سوتتالعان ازاماتتاردىڭ ءبىرىنىڭ اعاسى تۇزەۋ مەكەمەسىندە پايدالانۋعا تىيىم سالىنعان زاتتاردى شۇجىققا تىعىپ, مەكەمە اۋماعىنا وتكىزبەك بولدى.
الايدا, الماتى وبلىسى بويىنشا قاجد لا-155/12 مەكەمەسى قىزمەتكەرلەرىنىڭ قىراعىلىعىنىڭ ناتيجەسىندە ۇلتتىق ۇلاننىڭ اسكەري قىزمەتشىلەرىمەن بىرلەسىپ, سوتتالعاندارعا باندەرول بەرۋ جانە تەكسەرۋ بولمەسىندە شۇجىق ونىمدەرىنىڭ ىشىنەن تەلە-2 بايلانىس وپەراتورىنىڭ 24 دانا SIM-كارتاسى تابىلدى جانە تاركىلەندى.
قازىرگى ۋاقىتتا بۇل فاكت بويىنشا جيناقتالعان قۇجاتتار قاپشاعاي قالاسىنىڭ پوليتسيا باسقارماسىنا تاپسىرىلدى.
– ەسكەرتۋلەرگە قاراماستان, سوتتالعان ازاماتتاردىڭ تۋىستارى مەن وزگە دە ادامدار بەلگىلەنگەن تالاپتاردى بۇزۋدى جالعاستىرۋدا جانە تۇزەۋ مەكەمەسىندە ۇستالاتىن سوتتالعاندارعا تىيىم سالىنعان زاتتاردى وتكىزۋگە تالپىنۋ بويىنشا ارەكەتتەرىن قايتالاۋدا, – دەپ اتاپ ءوتتى الماتى وبلىسى بويىنشا قاجد باستىعىنىڭ ورىنباسارى جانىبەك قوسجانوۆ.
