«بارىس» ءبىرىنشى كەزەڭدە العاشقى بولىپ ەسەپ اشتى. ويىنداعى العاشقى ۇزىلىسكە شىعۋعا 2 مينۋت قالعاندا «بارىس» حوككەيشىسى فيل ۆارونە مەرگەندىگىمەن كوزگە ءتۇستى.
ەكىنشى كەزەڭدە كوماندامىزدىڭ ەسەپتى ەسەلەيتىن, قارسىلاستار ءۇشىن تەڭەستىرەتىن دە مۇمكىندىك كوپ بولدى. دەسە دە تابلوداعى ەسەپ وزگەرگەن جوق.
قارسىلاستار ءۇشىنشى كەزەڭدە عانا تارازى باسىن تەڭەستىرە الدى. بۇل جولى 42-مينۋتتا فينليانديالىق حوككەيشى الەكس گرانت سوققان شايبى «بارىس» كلۋبىنىڭ قاقپاسىنان تابىلدى. ال 51-مينۋتتا «بارىس» ساپىنان كيورتيس ۆالك ءوز كومانداسىن العا شىعاردى. ارادا 5 مينۋت وتپەي جاتىپ تاعى ءبىر مارتە گول سوقتى. «بارىس» ساپىنان 59-مينۋتتا انتون ساگادەەۆ قورىتىندى ەسەپتى بەلگىلەدى. ەسەپ 4:1. «بارىس» كلۋب جەڭىسكە جەتتى.
ايتا كەتەيىك, 21 قاڭتاردا ەلوردالىق كلۋب سىرت ايدىندا رەسەيدىڭ «دينامو» (ماسكەۋ) كومانداسىمەن وينايدى.
