ايماقتار • 19 قاڭتار، 2021

الماتى قالاسىنىڭ تۇرعىنىنان 47 كەلىدەن استام گاشيش تاركىلەندى

9 رەت كورسەتىلدى

جامبىلدىق پوليتسەيلەر الماتى قالاسىنىڭ تۇرعىنىنان 47 كەلىدەن استام گاشيش تاركىلەدى، دەپ حابارلايدى Egemen.kz Polisia.kz سايتىنا سىلتەمە جاساپ.

2021 جىلدىڭ 18 قاڭتارىندا جامبىل وبلىسى پوليتسيا دەپارتامەنتىنىڭ ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرىمەن جەدەل-ىزدەستىرۋ ءىس-شارالارىن جۇرگىزۋ بارىسىندا «باتىس ەۋروپا-باتىس قىتاي» اۆتوجولىنىڭ 260-شاقىرىمىندا الماتى قالاسىنىڭ 39 جاستاعى تۇرعىنىنىڭ باسقارۋىنداعى «Golf-3» ماركالى اۆتوكولىگى توقتاتىلدى.

اۆتوكولىكتىڭ جۇكسالعىشىنان ىشىندە سكوتچپەن ورالعان قاپتارى بار ەكى سومكە تابىلىپ، جالپى سالماعى 47 كگ 850 گراممدى قۇرايتىن گاشيش ەسىرتكى زاتى انىقتالعان.

اتالعان دەرەك بويىنشا قىلمىستىق كودەكستىڭ 297-بابى 3-بولىگىمەن (ەسىرتكى زاتتارىن وتكىزۋ ماقساتىندا اسا ءىرى مولشەردە زاڭسىز ساقتاۋ) سوتقا دەيىنگى تەرگەۋ امالدارى جۇرگىزىلۋدە. كۇدىكتى ءوز كىناسىن مويىنداپ، قورداي اۋدانىنىڭ ۋاقىتشا ۇستاۋ يزولياتورىنا قاماققا الىندى.

«وسى قىلمىستى جاساعانى ءۇشىن مۇلكى تاركىلەنىپ، ون جىلدان ون بەس جىلعا دەيىنگى مەرزىمگە باس بوستاندىعىنان ايىرۋ جازاسى كوزدەلگەن»، دەپ مالىمدەدى پوليتسيا دەپارتامەنتىنىڭ ەسىرتكى قىلمىسىنا قارسى ءىس-قيمىل باسقارماسىنىڭ باستىعى اسقار جۇمابەكوۆ.

سوڭعى جاڭالىقتار

ۇقساس جاڭالىقتار