ايماقتار • 18 قاڭتار، 2021

شىمكەنتتە بۇقارالىق سپورتپەن اينالىسۋشىلار سانى ارتادى

28 رەت كورسەتىلدى

شىمكەنتتە بۇقارالىق سپورتتى دامىتۋ ماقساتىندا بىرقاتار جوبالار ىسكە اسىرىلماق. پرەزيدەنت تاپسىرماسىنا سايكەس، شاھاردا 2021 جىلى سپورت نىساندارىن دامىتۋ بويىنشا 115 زاماناۋي سپورت الاڭى سالىنادى. سپورت الاڭدارى ۋوركاۋتپەن اينالىسۋعا ارنالعان سپورتتىق جابدىقتارمەن جانە دەنە جاتتىعۋلارىنا ارنالعان ايماقپەن جاراقتاندىرىلادى، دەپ حابارلايدى Egemen.kz

سونداي-اق، بيىل قاجىمۇقان اتىنداعى ورتالىق ستاديون، كەشەندى جوعارى سپورت شەبەرلىگى مەكتەبى، №17 فۋتبولدان سپورت مەكتەبى عيماراتتارىن قايتا قۇرۋ جۇمىستارى جۇرگىزىلەدى.شىمكەنتتە بۇقارالىق سپورتتى دامىتۋ ماقساتىندا بىرقاتار جوبالار ىسكە اسىرىلماق.

پرەزيدەنت تاپسىرماسىنا سايكەس، شاھاردا 2021 جىلى سپورت نىساندارىن دامىتۋ بويىنشا 115 زاماناۋي سپورت الاڭى سالىنادى. سپورت الاڭدارى ۋوركاۋتپەن اينالىسۋعا ارنالعان سپورتتىق جابدىقتارمەن جانە دەنە جاتتىعۋلارىنا ارنالعان ايماقپەن جاراقتاندىرىلادى. سونداي-اق، بيىل قاجىمۇقان اتىنداعى ورتالىق ستاديون، كەشەندى جوعارى سپورت شەبەرلىگى مەكتەبى، №17 فۋتبولدان سپورت مەكتەبى عيماراتتارىن قايتا قۇرۋ جۇمىستارى جۇرگىزىلەدى.

شىمكەنت قالاسىنىڭ دەنە شىنىقتىرۋ جانە سپورت باسقارماسىنىڭ باسشىسى ولەگ پوچيۆالوۆ اتقارىلعان جۇمىستار جانە الداعى جوسپارلاردان حاباردار ەتتى. 2020 جىلدىڭ قورىتىندىسى بويىنشا قالادا دەنە شىنىقتىرۋمەن جانە بۇقارالىق سپورتپەن قامتىلعان ازاماتتار سانى 324690 ادام نەمەسە قالا تۇرعىندارىنىڭ 30،6 %-ىن قۇرادى. 2019 جىلعا قاراعاندا 30202 ادامعا ارتتى. 2021 جىلى دەنە شىنىقتىرۋمەن جانە سپورتپەن شۇعىلدانۋشىلار كورسەتكىشىن 31 %-عا ۇلعايتۋ جوسپارلانۋدا.

قالانىڭ دەموگرافيالىق كورسەتكىشتەرىنىڭ ءوسۋى جاعدايىندا 2021 جىلدىڭ سوڭىنا قاراي سپورتقا 335 مىڭ ادامدى تارتۋ كوزدەلۋدە.  باسقارما باسشىسىنىڭ ايتۋىنشا، جاستار اراسىندا سالاۋاتتى ءومىر سالتىن قالىپتاستىرۋ، جاستاردىڭ بوس ۋاقىتىن ءتيىمدى ۇيىمداستىرۋدا قالاداعى 151 مەكتەپتەگى 117 725 وقۋشىلار اراسىندا سپورت تۇرلەرىنەن (فۋتبول، ۆولەيبول، باسكەتبول، شاحمات) شىمكەنت جاستار ليگاسىن وتكىزۋ جوسپارلانۋدا. ليگاعا 15 مىڭعا جۋىق جاستار قاتىسادى دەپ كۇتىلۋدە.

بۇدان بولەك، مەملەكەتتىك-جەكەشەلىك ارىپتەستىك تەتىگى اياسىندا 2021 جىلى شىمكەنت قالاسىنىڭ دارىگەرلىك - دەنە شىنىقتىرۋ ديسپانسەرىن جاڭعىرتۋ، شىمكەنت قالاسىنىڭ وقۋ-جاتتىعۋ پروتسەستەرى مەن سپورتتىق ءىس-شارالارىنا قاتىساتىن سپورتشىلار ءۇشىن تاماقتاندىرۋدى ۇيىمداستىرۋ جوبالارى ۇسىنىلىپ وتىر.  بۇگىندە قالادا مەملەكەتتىك جەكەشىلىك-ارىپتەستىك تەتىگى ارقىلى 5 سپورت مەكەمەسى جۇمىس ىستەيدى. ونداعى جالپى شۇعىلدانۋشىلار سانى -  1624.

سوڭعى جاڭالىقتار

اۋليە اتا ءھام ۇلى جىراۋ

رۋحانيات • كەشە

ۇقساس جاڭالىقتار