تاعايىنداۋ • 18 قاڭتار، 2021

ەڭبەك جانە حالىقتى الەۋمەتتىك قورعاۋ ءمينيسترى تاعايىندالدى

73 رەت كورسەتىلدى

سەرىك جامبىل ۇلى شاپكەنوۆ قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ ءمينيسترى بولىپ تاعايىندالدى، دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.

س. شاپكەنوۆ 1979 جىلى باتىس قازاقستان وبلىسى قاراتوبە اۋىلىندا تۋعان. باتىس قازاقستان مەملەكەتتىك ۋنيۆەرسيتەتىن «ەكونوميست-ماتەماتيك» ماماندىعى بويىنشا بىتىرگەن. 

ەڭبەك جولىن 2000 جىلى باتىس قازاقستان مەملەكەتتىك ۋنيۆەرسيتەتىندە وقىتۋشى بولىپ باستاعان. ءتۇرلى جىلدارى باتىس قازاقستان وبلىسى اكىمىنىڭ اپپاراتى قۇرىلىمىندا جۇمىس ىستەگەن. 

2012-2015 جىلدارى باتىس قازاقستان وبلىسى اكىمىنىڭ ءبىرىنشى ورىنباسارى بولدى.

2015-2016 جىلدارى — قر پرەزيدەنتى اكىمشىلىگىنىڭ مەملەكەتتىك باقىلاۋ جانە اۋماقتىق ۇيىمداستىرۋ جۇمىسى ءبولىمىنىڭ مەملەكەتتىك ينسپەكتورى. 

2016-2018 جىلدارى — اتىراۋ قالاسىنىڭ اكىمى.  

2018 جىلى اتىراۋ وبلىسى اكىمىنىڭ ءبىرىنشى ورىنباسارى بولدى.

ەسكە سالا كەتەيىك، سەرىك شاپكەنوۆ 2020 جىلدىڭ 4 ماۋسىمىندا ەڭبەك جانە حالىقتى الەۋمەتتىك قورعاۋ ۆيتسە-ءمينيسترى بولىپ تاعايىندالعان ەدى.

ايتا كەتەيىك، بۇعان دەيىن اتالعان مينيسترلىكتى نۇرىمبەتوۆ ءبىرجان بيدايبەك ۇلى باسقارعان بولاتىن.

سوڭعى جاڭالىقتار

اۋليە اتا ءھام ۇلى جىراۋ

رۋحانيات • كەشە

ۇقساس جاڭالىقتار