سۋ تاسقىنى كەزەڭىنە دايىندىق جوسپارلى تۇردە ءجۇرىپ جاتىر

ەكولوگيا • 18 قاڭتار، 2021

سۋ تاسقىنى كەزەڭىنە دايىندىق جوسپارلى تۇردە ءجۇرىپ جاتىر - قازسۋشار

15 رەت كورسەتىلدى

«قازسۋشار» رمك 2021 جىلعى سۋ تاسقىنى كەزەڭىنە دايىندىق بويىنشا جوسپارلى جۇمىس جۇرگىزۋدە. وسى باعىتتا ناقتى قانداي شارالار قابىلدانىپ جاتقانى تۋرالى ەكولوگيا، گەولوگيا جانە تابيعي رەسۋرستار مينيسترلىگىنىڭ Facebook-تەگى پاراقشاسىنداعى تىكەلەي ەفيردە «قازسۋشار» رمك باس ديرەكتورىنىڭ ورىنباسارى ەرلان سادۋاقاسوۆ مالىمدەدى، دەپ حابارلايدى Egemen.kz.

Marzhan Tileubekova

ونىڭ ايتۋىنشا، سۋ تاسقىنى قاۋپىنىڭ الدىن الۋ ءۇشىن كاسىپورىن وتكەن جىلدىڭ كۇزىنەن باستاپ سۋ قويمالارىندا بوس سىيىمدىلىقتار قۇرۋ بويىنشا جۇمىس جۇرگىزۋدە.

ء«بىز بۇل باعىتتا 2020 جىلدىڭ كۇزىنەن باستاپ جۇمىس ىستەپ كەلەمىز. سونداي-اق باسسەيندىك ينسپەكتسيالارمەن، تج وكىلدەرىمەن جانە اكىمدىكتەرمەن بىرلەسىپ گيدروتەحنيكالىق قۇرلىستاردى كوزبەن شولىپ تەكسەرۋ جۇرگىزدىك. تج تۋىنداعان جاعدايدا قۇرلىس جانە باسقا دا ينەرتتى ماتەريالداردىڭ، قاپتاردىڭ قاجەتتى قورلارى دايىندالدى، ءتيىستى ارنايى تەحنيكا بار، ججم دايىندالدى»، - دەپ اتاپ ءوتتى سپيكەر.

ەرلان سادۋاقاسوۆ حابارلاعانداي، «قازسۋشار» رمك بالانسىندا رەسپۋبليكالىق مەنشىكتەگى 4953 سۋ شاراۋاشىلىعى جانە گيدرومەليوراتيۆتىك وبەكتىلەر بار، ونىڭ ىشىندە: 86 سۋ قويماسى، 84 سۋ تورابى، 36 بوگەت، 103 سورعى ستانتسياسى، 46 باس قۇرىلىس، 3298 كانال جانە باسقا دا سۋ شارۋاشىلىعى وبەكتىلەرى.

«بارلىق سۋ قويمالارى بەكىتىلگەن كەستەگە سايكەس ىسكە قوسۋ رەجيمىندە جۇمىس ىستەيدى جانە كوكتەمگى سۋ تاسقىنىن قابىلداۋعا ارنالعان سىيىمدىلىق قورى بار. ولاردى جوبالىق كولەمگە دەيىن تولتىرعان جانە ۇلكەن تاسقىن سۋلار كەلگەن جاعدايدا ولار ترانزيتتىك رەجيمدە جۇمىس ىستەيتىن بولادى»، - دەپ حابارلادى قازسۋشار باسشىسىنىڭ ورىنباسارى.

ەرلان سادۋاقاسوۆ قازاقستاندا سۋ تاسقىنى كەزەڭى وڭتۇستىك وڭىرلەردى قوسپاعاندا، ناۋرىز ايىنىڭ باسىندا باستالاتىنىن، ال ەرىگەن سۋ اقپاننىڭ باسىندا كەلەتىن ەكەنىن اتاپ ءوتتى.سۋ تاسقىنى ماۋسىمىنىڭ ءساتتى ءوتۋى اۋا-رايى جاعدايلارىنا جانە سۋ تاسقىنىنا قارسى ۋاقىتىلى قابىلدانعان شارالارعا تىكەلەي بايلانىستى.

«اقپان ايىندا قازگيدرومەت ىلعال قورىنىڭ كولەمى مەن توپىراقتىڭ قاتۋ تەرەڭدىگى تۋرالى اقپاراتتى ۇسىنادى. بۇل كوكتەمگى سۋ تاسقىنى قاۋپى بار ايماقتاردى انىقتايدى. سونداي-اق ولاردىڭ مالىمەتتەرى نەگىزىندە ءبىز سۋ قويمالارىنىڭ جۇمىس رەجيمىن تۇزەتەمىز. بۇل قاۋىپتى گيدرولوگيالىق قۇبىلىستاردى دەر كەزىندە انىقتاۋ، گيدروتەحنيكالىق قۇرىلىستاردىڭ جاعدايىن باقىلاۋ ءۇشىن جاسالادى»، - دەپ تۇيىندەدى ول.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز