ەكونوميكا • 18 قاڭتار، 2021

ەاەو ەلدەرى وسىمدىكتەر كارانتينى سالاسىنداعى زاڭنامانى جاڭارتۋدى جوسپارلاپ وتىر

8 رەت كورسەتىلدى

ەۋرازيالىق ەكونوميكالىق وداق ەلدەرىنىڭ وسىمدىكتەر كارانتينى جونىندەگى ۋاكىلەتتى ورگاندارىنىڭ باسشىلارى ەۋرازيالىق ەكونوميكالىق كوميسسيانىڭ وكىلدەرىمەن بىرگە 14 قاڭتاردا ەەك الاڭىندا وسى سالاداعى زاڭنامانى جاڭارتۋ ماسەلەلەرىن تالقىلادى، دەپ حابارلايدى Egemen.kz  ەاەو سايتىندا جاريالانعان دەرەكتەرگە سىلتەمە جاساپ.

ەاەو ەلدەرى وسىمدىكتەر كارانتينى سالاسىنداعى زاڭنامانى جاڭارتۋدى جوسپارلاپ وتىر.

ەۋرازيالىق ەكونوميكالىق وداق ەلدەرىنىڭ وسىمدىكتەر كارانتينى جونىندەگى ۋاكىلەتتى ورگاندارىنىڭ باسشىلارى ەۋرازيالىق ەكونوميكالىق كوميسسيانىڭ وكىلدەرىمەن بىرگە 14 قاڭتاردا ەەك الاڭىندا وسى سالاداعى زاڭنامانى جاڭارتۋ ماسەلەلەرىن تالقىلادى.

ەەك القاسى جانىنداعى تەحنيكالىق رەتتەۋ، سانيتارلىق، ۆەتەرينارلىق جانە فيتوسانيتارلىق شارالاردى قولدانۋ جونىندەگى كونسۋلتاتيۆتىك كوميتەتتىڭ فيتوسانيتارلىق شارالار جونىندەگى كىشى كوميتەتىنىڭ ءبىرىنشى وتىرىسىندا ەڭ الدىمەن وداقتىڭ قۇقىق قولدانۋ پراكتيكاسىنا نەگىزدەلگەن كارانتيندىك فيتوسانيتارلىق شارالار سالاسىنداعى نورماتيۆتىك-قۇقىقتىق بازاسىن جاڭارتۋ وتە ماڭىزدى ەكەندىگى اتاپ ءوتىلدى. بۇل وسىمدىكتەر كارانتينى قىزمەتتەرىنىڭ دە، بيزنەستىڭ دە جۇمىسىن جەڭىلدەتەدى.

شاعىن كوميتەت مۇشەلەرى وداق زاڭىنا وزگەرىستەر ەنگىزۋ بويىنشا كەلەسى ءىس-قيمىل الگوريتمىن ازىرلەدى. اتاپ ايتقاندا، ولار ۋاقىتشا كارانتيندىك فيتوسانيتارلىق شارالاردىڭ بەلگىلى ءبىر مەرزىمدەرى، ولاردىڭ ماڭىزدىلىعىن ەسكەرە وتىرىپ، ەاەو تۋرالى شارتقا ەنگىزىلۋى كەرەك دەپ سانايدى.

جۇمىس تاجىريبەسىن ەسكەرە وتىرىپ، رەتتەلەتىن ونىمدەردىڭ ءتىزىمىن «ساڭىراۋقۇلاق ميتسەليى» زاتىمەن تولىقتىرۋ، سونداي-اق قاۋىپتى زيانكەستەر بولىپ تابىلاتىن جانە وداققا كىرۋگە بولمايتىن Megaselia scalaris (Loew) پوليفاگتى وركەش شىبىنىنا قاتىستى تالاپتاردى ازىرلەۋ ماقساتقا ساي دەپ سانالدى.

رەسەي فەدەراتسياسى كۇن تارتىبىنە ەنگىزگەن ەاەو تۋرالى شارتقا وزگەرتۋلەر ەنگىزۋ ارقىلى تۇقىم مەن وتىرعىزۋ ماتەريالدارىنىڭ يمپورتىن رەتتەۋ ماسەلەسى كىشى كوميتەت مۇشەلەرىنەن قولداۋ تاپپادى.

سونىمەن بىرگە ەۋرازيالىق ەكونوميكالىق كوميسسيانىڭ سانيتارلىق، فيتوسانيتارلىق جانە ۆەتەرينارلىق شارالار دەپارتامەنتىنەن كىشى كوميتەت مۇشەسىنىڭ وسى ماسەلەنى وداقتىق شارتتىڭ قولدانىستاعى نۇسقاسى اياسىندا پىسىقتاۋ بولىگىندەگى ۇسىنىسى قولداۋ تاپتى.

سوڭعى جاڭالىقتار

قازاقستاندا جاڭا كەن ورنى تابىلدى

ەكونوميكا • بۇگىن، 16:21

ەڭ سۇلۋ ۆولەيبولشى كىم؟

سپورت • بۇگىن، 16:15

ەل قورعاعان ەردىڭ ەسىمى جاڭعىردى

رۋحانيات • بۇگىن، 14:49

كورشىنىڭ كوپ-كورىم كومەگى

قوعام • بۇگىن، 14:23

ۇقساس جاڭالىقتار