پىكىر • 18 قاڭتار، 2021

ۇتىمدى ۇسىنىستار جاسالدى

13 رەت كورسەتىلدى

مەملەكەت باسشىسى قاسىم-جومارت توقاەۆ پارلا­مەنتتىڭ VII شاقىرىلىمداعى ءبىرىنشى سەسسياسىنىڭ اشىلۋىندا قازاقستاننىڭ ساياسي جۇيەسىن جاڭعىرتۋ شەڭبەرىندە بىرقاتار نەگىزگى مىندەتتەردى اتاپ ءوتتى.

ەل پرەزيدەنتى ەڭ الدىمەن، ساياسي پارتيالاردىڭ ماجىلىسكە ءوتۋ شەگىن 7%-دان 5%-عا دەيىن تومەندەتۋدى، بارلىق دەڭگەيدەگى سايلاۋ بيۋللەتەندەرىنە «بارىنە قارسىمىن» دەگەن جازۋدى قايتارۋدى، اۋىلدىق ەلدى مەكەندەردەگى اكىمدەردىڭ سايلاۋىن وتكىزۋدى، اۋىل اكىمدەرىن سايلاعاننان كەيىن اۋدان اكىمدەرىن سايلاۋ­عا كوشۋدى، ادام قۇقىعىن قورعاۋ سالاسىن جەتىلدىرۋ مەن ومبۋدسمەن تۋرالى زاڭ قابىلداۋدى ۇسىندى.

سونىمەن قاتار مەم­لەكەت باسشىسى مەملەكەت­تىك باسقارۋ مەن جوسپارلاۋ­دىڭ جاڭا مودەلىن ەنگىزۋ قاجەت­تىگىن تە تىلگە تيەك ەتتى. بۇل با­عىتتاعى رەفورمالار بارلىق ۇدەرىستى تسيفرلاندىرۋدى دا قامتيتىن بولادى. بۇدان بولەك، ازاماتتارمەن ءوزارا قارىم-قاتى­ناس­تىڭ سەرۆيستىك مودەلى دە ەنگىزىلەدى.

وسى شارالاردىڭ العاشقى ەكەۋىن ەل باسشىلىعىنىڭ وتكەن سايلاۋ ناۋقانى كەزىن­دە قازاقستاندىق قوعام وكىل­دەرى مەن شەتەل­دىك باي­قاۋشىلاردىڭ كوپتە­گەن باعالاۋلارى مەن ۇسى­نىس­تارىنا جاۋابى دەپ سا­ناۋعا بولادى. قالعان شارا­لاردىڭ باسىم كوپشىلىگىن مەم­لەكەت باسشىسى وتكەن جىلى قازاقستان حالقىنا جولداۋىندا جانە ۇلتتىق قوعامدىق سەنىم كەڭەسىنىڭ ءتورتىنشى وتىرىسىندا ما­لىمدەگەن بولاتىن. ولاردىڭ ارقايسىسى جەكە زەرتتەۋ مەن تالداۋدى، سونىڭ ىشىن­دە شەتەلدىك تاجىريبەنى ەس­كەرە وتىرىپ، ولاردىڭ ماز­مۇنى مەن ىسكە اسىرىلۋىنا ارنالعان ۇسىنىستار جاساۋدى قاجەت ەتەدى.

مەملەكەت باسشىسى بۇل ۇسىنىستاردى پارلامەنت دەپۋ­تاتتارىنىڭ جاڭا قۇرا­مىنىڭ الدىندا ايتۋى دا كەزدەيسوقتىق ەمەس. وسى­لايشا، قوس پالاتانىڭ دەپۋتات­تارىنا پرەزيدەنت جوعا­رىدا ايتىپ وتكەن ۇسىنىس­تاردى جانە ايتىلعان باسقا دا شارالاردى زاڭناما­لىق تۇرعىدا ۋاقتىلى ءارى ساپا­لى قامتاماسىز ەتۋ ءۇشىن ۇلكەن جاۋاپكەرشىلىك جۇك­تەلىپ وتىر. سونداي-اق مۇد­دەلى جۇرتشىلىقتىڭ دا ءوز ۇسىنىستارىن ازىرلەۋگە جانە ناسيحاتتاۋعا اتسالىسۋى كۇتىلۋدە.

 

اندرەي چەبوتارەۆ،

«التەرناتيۆا» زاماناۋي زەرتتەۋلەر ورتالىعىنىڭ ديرەكتورى، ساياساتتانۋشى

 

سوڭعى جاڭالىقتار

قازاقستاندا جاڭا كەن ورنى تابىلدى

ەكونوميكا • بۇگىن، 16:21

ەڭ سۇلۋ ۆولەيبولشى كىم؟

سپورت • بۇگىن، 16:15

ەل قورعاعان ەردىڭ ەسىمى جاڭعىردى

رۋحانيات • بۇگىن، 14:49

كورشىنىڭ كوپ-كورىم كومەگى

قوعام • بۇگىن، 14:23

ۇقساس جاڭالىقتار