پىكىر • 18 قاڭتار، 2021

«بارلىعىنا قارسى» پىكىرى دە ەسكەرىلەدى

5 رەت كورسەتىلدى

ساياسي پارتيالاردىڭ ماجىلىسكە ءوتۋ شەگىن 7-دەن 5%-عا تومەندەتۋ باستاماسى وتكەن جىلى ەنگىزىلسە، وسى جولى ماجىلىستە ءتورت پارتيا بولار ەدى. دەگەنمەن مەملەكەت باسشىسى جاريالاعان جاڭا ۇستانىمدار ەلىمىزگە وڭ وزگەرىستەر اكەلەدى دەپ سەنەمىن.

ەڭ الدىمەن، پرەزيدەنتتىڭ سوت جۇيەسىن اشىق ەتە ءتۇسۋ باستاماسىنا توقتالعىم كەلەدى. قازىر سۋديالار سوت حاتشىسىنا، پروكۋرورلار مەن تەرگەۋشىلەرگە الاڭداۋشىلىقپەن قوش­تاسادى، انىعىن ايتقاندا رەپ­رەس­سيالى جۇيەدەن ءوسىپ، جوعا­رى كوتەرىلەدى. سۋديالىققا ادۆو­كات­تىقتان، مەدياتورلىق پەن قارا­پايىم زاڭگەرلىكتەن كەلۋ كەرەك.

ودان كەيىن پوليتسيانىڭ سەرۆيس­تىك مودەلى، اتاۋلى الەۋمەتتىك كومەك­تى كۇشەيتۋ، ازاماتتاردىڭ ءوز جيناقتارىن باسقارۋعا مۇمكىندىك بەرۋ باستامالارىن دا ەرەكشە اتاپ ءوتۋ قاجەت.

اۋىلدىق، اۋداندىق بيۋدجەت پروتسەدۋرالارىن جەڭىلدەتۋ دە ماڭىزدى قادامداردىڭ ءبىرى. وعان قوسا قوعامدىق قاۋىپسىزدىك ءۇشىن تسيفرلىق تەحنولوگيالاردى ەنگىزۋدى ارتتىرۋ دا قازىرگى كەزەكتە وزەكتى ماسەلە.

تاعى ءبىر جاقسى جاڭالىق – اۋىل اكىمدەرىنىڭ سايلاۋىنان كەيىن اۋدان اكىمدەرىنىڭ سايلاۋىن وتكىزۋ. اۋداندار – بيۋدجەتتىڭ عانا ەمەس، باسقارۋدىڭ دا ماڭىزدى ەلەمەنتى. ەگەر اكىمدەر سايلاناتىن بولسا مەملەكەتتىك باسقارۋ جۇيەسى قاتتى وزگەرەدى. دەموكراتياعا باس­تايتىن تاعى ءبىر شەشىم – پارتيا مۇشەلەرىنىڭ ءتىزىمىن ەلەكتروندى ۇكىمەت ارقىلى جيناۋ. بۇل جاڭا پارتيا قۇرۋ جۇمىستارىن ايتار­لىقتاي جەڭىلدەتەدى.

پارلامەنتتىڭ باقىلاۋشى فۋنكتسياسىن كۇشەيتۋ شەشىمىن دە قولدايمىن. فۋنكتسيالار بار، بىراق ول سيرەك پايدالانىلىپ كەلدى. وتكەن جىلى سەنات ونى ءىس جۇزىندە پايدالانباق بولدى، بىراق ۇكىمەتكە ول ۇناماعانى سونشا، كادرلىق شەشىمدەر قابىلداۋىنا تۋرا كەلدى.

ازاماتتىق قوعام ءۇشىن نەگىزگى جۇمىستىڭ ءبىرى – قوعامدىق باقىلاۋ تۋرالى زاڭ قابىلداۋ. قازىر مەن جۇمىس توبىنىڭ قۇرامىندامىن. زاڭ ازاماتتارعا ايتارلىقتاي كومەكتەسەدى، قازىر ونى جەتىلدىرۋ ۇستىندەمىز.

وسى ورايدا ونلاين-پەتيتسيانى زاڭداستىرۋدى دا ايتپاسا بولماس. بۇل تۋرالى از ايتىلعان جوق. بيىل اقپارات جانە قوعامدىق دامۋ مينيسترلىگى مەن تسيفرلىق دامۋ مينيسترلىگى اشىق ۇكىمەت اياسىندا مۇنى ىسكە اسىرادى دەپ ۇمىت­تەنەمىز. مەتسەناتتار مەن ەرىك­تىلەرگە جەڭىلدىكتەردىڭ ەن­گىزىلۋى دە ازاماتتىق قوعامنىڭ ىلگەرىلەۋىنە جول اشاتىن بولادى.

سايلاۋ بيۋللەتەندەرىندە «بارلىعىنا قارسى» جازۋىنىڭ بولاتىنى دا جاقسى باستاما. وتكەن سايلاۋدا بۇلدىرىلگەن بيۋللەتەندەرگە قاراعاندا ۇسىنىلعان ۇمىتكەرلەر كوپتەگەن ادامداردىڭ (3،95%) كوڭىلدەرىنەن شىقپادى. ال كەلمەگەندەردىڭ اراسىندا دا مۇنداي جانداردىڭ بولۋ مۇمكىن ەكەنىن ەسكەرۋ كەرەك. ودان دا پىكىرىن وسىلاي ءبىلدىرسىن، بۇل وتە دۇرىس.

 

مارات شيبۇتوۆ،

ساياساتتانۋشى

سوڭعى جاڭالىقتار

«بارىس» ۇتىلىپ قالدى

سپورت • 06 ناۋرىز، 2021

ەلدوس سمەتوۆ كۇمىس الدى

سپورت • 06 ناۋرىز، 2021

«قايرات» – قولا جۇلدەگەر

ايماقتار • 06 ناۋرىز، 2021

ءار سالا ۇزدىكتەرىنە قۇرمەت تانىتتى

ايماقتار • 05 ناۋرىز، 2021

باعدات مۋسين شىمكەنتكە باردى

ايماقتار • 05 ناۋرىز، 2021

ۇقساس جاڭالىقتار