تىڭداۋ بارىسىندا پروكۋراتۋرانىڭ 2020 جىلدىڭ شىلدەسىندە ۇسىنىلعان اپپەلياتسياسى قارالدى. سوعان سايكەس پاك كىن حەگە 18 ميلليارد ۆون (13 ميلليون ەۆرو) دەيىن ايىپپۇل سالىندى, بىراق ودان بۇرىن تاعىلعان ايىپتاردىڭ ءبىر بولىگىن الىپ تاستادى.
بۇعان دەيىن ەكس-پرەزيدەنت بىرىككەن بولاشاق پارتياسىنان ("سەنۋري") مەملەكەت باسشىسى لاۋازىمىنا ۇمىتكەرلەردى ۇسىنۋ پروتسەسىنە زاڭسىز ارالاسقانى ءۇشىن ەكى جىل تۇرمەدە وتىرۋعا ءماجبۇر بولعان.
ەكس-پرەزيدەنتكە 18 تارماق بويىنشا ايىپ تاعىلدى.
2017 جىلدىڭ ناۋرىزىندا پاك كىن حە كونستيتۋتسيالىق سوتتىڭ شەشىمىمەن بيلىكتەن شەتتەتىلدى, مەرزىمىنەن بۇرىن پرەزيدەنت قىزمەتىنەن بوساتىلىپ, سودان كەيىن قاماۋعا الىندى.
ايتا كەتەيىك, بۇعان دەيىن اپەللياتسيالىق سوت تۇرمە جازاسىن 30 جىلعا دەيىن ۇزارتقان ەدى. كەيىنىرەك ۇكىم بىرنەشە رەت قايتا قارالعان بولاتىن.
كەيىنگى كۇندەرى سەۋلدەگى جوعارعى سوت پاك كىن حە ىسىنە نۇكتە قويدى. قولىنداعى بيلىگىن اسىرا پايدالانىپ, مەملەكەتكە بارىنشا زيان كەلتىرگەن پرەزيدەنت 22 جىلعا باس بوستاندىعىنان ايىرىلدى.
ايدا ورالبەك
