«بۇگىن مەملەكەت باسشىسى پارلامەنتتىڭ VII شاقىرىلىمىنىڭ ءبىرىنشى سەسسياسىن اشۋ بارىسىندا ازاماتتىق قوعامدى دامىتۋ, جاستار ساياساتىن جانداندىرۋ, ونلاين-پەتيتسيانى زاڭنامالىق بەكىتۋ سياقتى مەملەكەتتىك ساياساتتىڭ نەگىزگى باسىم باعىتتارىنا كەزەكتى رەت توقتالىپ ءوتتى. بۇل باعىتتارداعى جۇمىستىڭ ساپالى ىسكە اسۋى – ءبىرىنشى كەزەكتە ەلىمىزدە دەموكراتيا پرينتسپتەرىنىڭ جۇيەلى دامۋىنا وڭ ىقپال ەتەتىنى ءسوزسىز. اقپارات جانە قوعامدىق دامۋ مينيسترلىگى اتالعان سالالارداعى جۇمىستىڭ زاڭنامالىق تەتىكتەرىن رەتتەۋ بويىنشا بەلسەندى جۇمىس اتقارىپ كەلەدى. اتاپ ايتقاندا, ءبىزدىڭ مينيسترلىك قوعامدىق باقىلاۋ جونىندەگى تۇجىرىمداما مەن زاڭ جوباسىن ازىرلەدى. زاڭنامالىق بازا – ازاماتتىق قوعامنىڭ جۇمىسىن ارى قاراي جانداندىرىپ, مەملەكەتتىك ورگاندار قىزمەتىنىڭ اشىقتىعىن قامتاماسىز ەتەتىن بولادى. سونداي-اق, مينيسترلىك جانىنان 71 ادامنان تۇراتىن ۇلكەن جۇمىس توبى قۇرىلدى. ونىڭ قۇرامىندا ەۆگەني جوۆتيس, تاتيانا زينوۆيچ, اكيف سۇلەيمەنوۆ, رۋستام اشيگاليەۆ, زاۋرەش باتتالوۆا سياقتى باسقا دا كاسىبي قۇقىقتانۋشىلار مەن ساراپشىلار بار», دەپ جازدى ا. بالاەۆا.
سونداي-اق مينيستر پرەزيدەنتتىڭ جاستار ساياساتىنا ەرەكشە نازار اۋدارعانىن اتاپ ءوتتى.
«پرەزيدەنت سونداي-اق, جاستار ساياساتى سالاسىنا دا ەرەكشە نازار اۋداردى. اتاپ ايتقاندا, «جاستاردىڭ دامۋ يندەكسى» جۇيەسىن ەنگىزۋدى جانە «جاستاردىڭ الەۋمەتتىك قىزمەتتەرى» ۇعىمىن زاڭمەن بەكىتۋدى تاپسىردى. بۇگىنگى تاڭدا, ءبىزدىڭ مينيسترلىك ەلىمىزدىڭ بارلىق وڭىرىندەگى جاستار ساياساتىنا قاتىستى ماسەلەلەردى انىقتاپ, ولارعا جان-جاقتى تالداۋ جۇمىستارىن جۇرگىزۋدە. بۇل ءوز كەزەگىندە جاستار ساياساتى سالاسىنداعى زاڭنامالىق نورمالاردى ساپالى ءارى ءتيىمدى ازىرلەۋگە ءوز سەپتىگىن تيگىزەتىن بولادى. بۇل ورايدا, دەپۋتاتتىق كورپۋس پەن مينيسترلىك اراسىنداعى ءوزارا بايلانىس الداعى ۋاقىتتا دا ءوزارا ارىپتەستىكتە جالعاسىپ, مەملەكەت باسشىسى تاپسىرعان مىندەتتەردى ۋاقىتىلى ءارى تولىعىمەن ورىنداۋعا مۇمكىندىك بەرەدى دەپ سەنەمىن», دەدى ا. بالاەۆا.
