ليزا مونتگومەريگە 2007 جىلى قاتىگەزدىكپەن ادام ولتىرگەنى ءۇشىن العاشقى ينەكتسيا جاسالۋ كەرەك ەدى. ول كەزدە قىلمىسكەر ينديانا شتاتىنداعى تەررە-حوت تۇرمەسىندە جازاسىن وتەپ جۇرگەن.
اۋداندىق سوتتىڭ مونتگومەريدىڭ اقىل-ويىندا كەمشىلىك بار دەگەن شەشىمىن اقش-تىڭ جوعارعى سوتى جوققا شىعاردى. قورعاۋشىلار ونىڭ تۋا بىتكەن مي اقاۋى بار دەپ مالىمدەدى. ال قىلمىسكەر ايەل ناۋقاستانعانى سونشالىق, وزىنە قاتىستى ايىپتاۋلار مەن شىققان ۇكىمدى تۇسىنۋگە دە شاماسى جەتپەپتى.
2007 جىلدان بەرى مونتگومەريدىڭ جازالاۋ ۇكىمى ەكى رەت كەيىنگە قالدىرىلعان ەدى. العاش رەت وعان 8 جەلتوقساندا اجال ينەكتسياسىن جاساۋى كەرەك بولعان. بىراق ونىڭ قورعاۋشىلارى Covid-19 جۇقتىرۋىنا بايلانىستى, ءىس كەيىنگە قالدىرىلدى.
ءولىم جازاسى 12 قاڭتارعا اۋىستىرىلدى, بىراق سوت تورەشىسى دجەيمس حانلون تاعى دا ونى كەيىنگە قالدىرادى. اقىر سوڭىندا جوعارعى سوت مونتگومەريگە سارسەنبى كۇنى تاڭەرتەڭ ينەكتسيا جاساۋعا ۇكىم شىعاردى.
20 قاڭتاردان باستاپ اقش بيلىگىنە كەلەتىن دجو بايدەن پرەزيدەنت بولا سالا ءولىم جازاسىن الىپ تاستاۋعا بەل بۋىپ وتىرعان ەدى. اسا اۋىر قىلمىس جاساعان ايەلدىڭ جازاسى بۇل كۇنگە دەيىن بەلگىلى بولىپ قويدى.
رابيعا نۇرعالي
