«2021 جىلعى 8 قاڭتاردا پاۆلودار قالاسىنىڭ پوليتسياسىنا ەر ادامنان قوڭىراۋ كەلىپ ءتۇستى, ول ءوزىنىڭ كولىك قۇرالىن بەلگىسىز بىرەۋدىڭ ايداپ اكەتكەنى تۋرالى شاعىمداندى. دەرەۋ قالادا «توسقاۋىل» جوسپارى جاريالاندى. اۋلالاردىڭ بىرىندە اۆتوپاترۋلدەردىڭ ءبىرى باعداردا كورسەتىلگەن كولىككە ۇقسايتىن اۆتوكولىكتى بايقاعان. كولىككە جاقىنداعان پوليتسەيلەر كولىكتىڭ وتالىپ تۇرعانىن, سونىمەن قاتار سالوندا مۋزىكا ويناپ تۇرعانىن, ال سالوندا ەشكىم جوقتىعىن انىقتادى. كەيىن ارىزدانۋشىنىڭ ماس كۇيىندە اۆتوكولىگىن قايدا قويعانىن ۇمىتىپ قالعانى بەلگىلى بولدى», دەدى پاۆلودار قالاسىنىڭ پب پاترۋلدىك پوليتسيا باتالونىنىڭ كومانديرى رەنات شاريپوۆ.
پوليتسيا قىزمەتكەرلەرى جالعان ارىز بەرۋشىگە قاتىستى پوليتسيا ورگاندارىن كورىنەۋ جالعان شاقىرۋ فاكتىسى بويىنشا قازاقستان رەسپۋبليكاسى اقبتك-ءنىڭ 438-بابى (ارناۋلى قىزمەتتەردi كورiنەۋ جالعان شاقىرۋ) بويىنشا اكىمشىلىك ءىس قوزعالعانىن, قۇقىق بۇزۋشىعا قاتىستى 30 اەك مولشەرىندە ايىپپۇل سالىنعانىن اتاپ ءوتتى.
ايتا كەتۋ كەرەك, جىل باسىنان بەرى وڭىردە پوليتسيا ورگاندارىن كورىنەۋ جالعان شاقىرۋدىڭ 5 فاكتىسى, 2020 جىلى 43 فاكتىسى تىركەلگەن.
