بۇل ەسىمى جەرگىلىكتى جانكۇيەرلەرگە جاقسى تانىس. 34 جاستاعى برازيليانىڭ سان-پاۋلۋ قالاسىنىڭ تۋماسى سپورتتىق كارەراسىنىڭ العاشقى كەزەڭىن ءوز ەلىندە وتكىزگەنى بەلگىلى. 2011 جىلى رەسەيگە قونىس اۋدارىپ, ءنوۆوسىبىردىڭ «سيبيرياك» كلۋبىندا وينادى. ول جاقتا ۋمبەرتو جاسىنداي جارقىرادى. ارادا ءبىراز ۋاقىت وتكەننەن كەيىن قازاقستانعا كەلدى. 2014-2016 جىلدار ارالىعىندا «قايراتتىڭ» نامىسىن قورعادى. ءبىزدىڭ ەلدە دە برازيليالىق لەگيونەر ءوزىن جاقسى قىرىنان كورسەتىپ, 2015 جىلى الماتىلىقتاردىڭ ۋەفا چەمپيوندار ليگاسىنىڭ جەڭىمپازى اتانۋىنا سۇبەلى ۇلەس قوستى.
كەيىننەن ۋمبەرتو يسپانيانىڭ «ينتەر-موۆيستار», رەسەيدىڭ «سيبيرياك», برازيليانىڭ «سان كاەتانو», «جاراگۋا», «جوينۆيلي» جانە فرانتسيانىڭ ACCS Futsal كلۋبتارىندا وينادى. مىنە, ەندى اراعا بەس جىل سالىپ اتاقتى شابۋىلشى قازاقستانعا ورالىپ, قايتا «قايراتتىڭ» جەيدەسىن كيدى.
