يندونەزيا اسكەري تەڭىز فلوتىنىڭ سۇڭگۋىرلەرى ياۆا تەڭىزى تۇبىنەن ۇشاقتىڭ «قارا جاشىگىن» تاپتى. ىزدەۋ وتريادىنىڭ باسشىسى حادي تيادجانتو ونى راديوسيگنالدار ارقىلى تاپقانىن مالىمدەدى. ەندى جاشىك كولىك قاۋىپسىزدىگى ۇلتتىق كوميسسياسىنا تاپسىرىلادى. ولار اۋە اپاتىنىڭ سەبەبىن انىقتاۋعا بىرنەشە كۇن قاجەت ەكەنىن حابارلادى.
وعان دەيىن كولىك قاۋىپسىزدىگى ۇلتتىق كوميسسياسىنىڭ اۆياتسيا قاۋىپسىزدىگى كوميتەتى وقيعا ورنىندا زەرتتەۋ جۇرگىزگەن جۇمىستار ناتيجەسىن جاريالادى. ولاردىڭ اقپاراتى ۇشاق سۋعا قۇلاعاندا جارىلدى دەگەن تۇجىرىم ايتادى. «ويتكەنى اۋەدە جارىلسا ۇشاق بولشەكتەرى الىس ايماقتارعا قۇلار ەدى, ال ىزدەۋ توبى ۇشاق بولشەكتەرىن تەڭىز جاعالاۋىنان تاپتى», دەدى كوميتەت باسشىسى نۋركاحيو ۋتومو.
