بۇگىن بالقاش قالالىق تاريحي-ولكەتانۋ مۋزەيىندە كۇيشى اققىزدىڭ گيپستەن سوعىلعان ءمۇسىنى ساقتاۋلى تۇر. «كۇيشى ءمۇسىنىنىڭ اۆتورى – اقتوعاي ءوڭىرىنىڭ سۋرەتشىسى جومارت يبراەۆ. ال جادىگەردى مۇراجايعا 2008 جىلى ءابدىراحمانوۆا دەگەن ايەل كىسى تاپسىرعان دەگەن دەرەك بار», دەيدى مۋزەيدىڭ باس قور ساقتاۋشىسى اسىل يحاشوۆا.
كۇيشى اققىزدىڭ ءمۇسىنىن جاساۋعا سۋرەتشىنىڭ دوستارى قاجىكەن كۇلتەيباي ۇلى مەن شاكيزات مولداشەۆا سەبەپكەر بولعان ەكەن. جومارت يبراەۆ دوستارىنىڭ ءوتىنىشىن قابىل الىپ, ءمۇسىندى 1989-1990 جىلدار ارالىعىندا جاساپ شىعارعان.
كۇيشى ءبيۋستى دايىن بولعاننان كەيىن, اۆتور بەلگىلى سەبەپتەرمەن الماتىعا قونىس اۋدارعان دا, تۋىستارى مۇسىننەن كوز جازىپ قالعان. ارادا ءبىراز جىلدار وتكەننەن كەيىن عانا بيۋست تابىلىپ, مۋزەي تورىنەن ورىن الدى.
قاراعاندى وبلىسى,
بالقاش قالاسى
