الەم • 13 قاڭتار، 2021

«پوستكوۆيدتىك سيندروم»: الەم عالىمدارى الاڭداۋلى

44 رەت كورسەتىلدى

الەم عالىمدارى دابىل قاعىپ وتىر. وعان سەبەپ كوروناۆيرۋستان جازىلىپ كەتكەننەن كەيىن دە كوپتەگەن ناۋقاستاردىڭ اۋىر اسقىنۋلاردان زارداپ شەگۋى. بۇل قۇبىلىس «پوستكوۆيدتىك سيندروم» دەپ اتالدى، دەپ حابارلايدى Egemen.kz. بۇل تۋرالى BBC News باسىلىمى اقپارات تاراتتى.

مامانداردىڭ ايتۋىنشا، پسيحيكالىق بۇزىلۋلار، اپاتيا جانە سۋيتسيدتىك ويلار - وسىنداي اسقىنۋلاردىڭ ناتيجەسى. كوروناۆيرۋسپەن اۋىرعان ادامدار ايلار بويى وزدەرىنىڭ بۇرىنعى ومىرىنە ورالۋعا تىرىسادى. دەگەنمەن كوپ جاعدايدا بۇل ۇمتىلىس ءساتتى بولا بەرمەيدى.

 كوروناۆيرۋس پسيحولوگيالىق اقاۋلار تۋدىراتىنى تۋرالى كوپتەگەن شەتەلدىك عالىمدار دا ايتىپ كەلەدى. قاراشا ايىندا بريتاندىق وكسفورد ۋنيۆەرسيتەتى عالىمدارىنىڭ Lancet جۋرنالىندا جاريالانعان ماقالاسى دا بۇعان دالەل بولا الادى .وندا عالىمدار 69 ميلليون اقش تۇرعىنىنىڭ مەديتسينالىق كارتاسىن تالدادى. ولاردىڭ 62 مىڭنان استامى كوروناۆيرۋسپەن اۋىرعان.

زەرتتەۋ كورسەتكەندەي، امەريكاندىقتاردىڭ بەستەن بىرىنە كوروناۆيرۋستان كەيىن دە ءۇش اي ىشىندە پسيحيكالىق بۇزىلىس دياگنوزى قويىلعان. كوبىنەسە بۇل مازاسىزدىق، دەپرەسسيا جانە ۇيقىسىزدىق بەلگىلەرى ارقىلى بايقالادى.

 

رابيعا نۇرعالي

سوڭعى جاڭالىقتار

اۋليە اتا ءھام ۇلى جىراۋ

رۋحانيات • كەشە

ۇقساس جاڭالىقتار