ءمينيستردىڭ ايتۋىنشا, «اشىق ۇكىمەت» پلاتفورماسى اشىق دەرەكتەر, اشىق نقا, اشىق ديالوگ, اشىق بيۋدجەتتەر, سونداي-اق مەملەكەتتىك ورگاندار قىزمەتىنىڭ تيىمدىلىگىن باعالاۋدان تۇرادى.
«2021 جىلعى 14 قاڭتاردا ساعات 18:00-دە «Astana Hub» بازاسىندا «brainstorm» كونفەرەنتسياسى وتەدى, وندا ءبىز «اشىق ۇكىمەتتى» دامىتۋ تۇجىرىمداماسىن تالقىلايمىز. بارلىق نيەت ءبىلدىرۋشى ازاماتتاردى تالقىلاۋعا شاقىرا وتىرىپ, اشىق ۇكىمەتتى ودان ءارى دامىتۋ ءۇشىن ۇسىنىستاردى بىرگە قاراستىرعىمىز كەلەدى. ءبىزدىڭ ماماندار تالداۋ جۇرگىزىپ, پروبلەمالىق ماسەلەلەردى انىقتادى. ولاردىڭ شەشىمدەرى سەرۆيس جۇمىسىن ەداۋىر جاقسارتادى. ال ءبىزدىڭ ماقساتىمىز بارىنشا پايدالانۋعا ىڭعايلى ءارى وڭاي ەتىپ جاساۋ», دەپ جازدى ب. مۋسين.
