12 قاڭتار كۇنى ساعات 20:21 شاماسىندا قىزىلوردا وبلىسى پد-ڭ جالاعاش اۋداندىق پوليتسيا بولىمىنە «وحوتزووپروم ءوب» رمق قىزىلوردا وڭىرلىك فيليالى مەكەمەسىنىڭ قىزمەتكەرىنەن زاڭسىز اڭشىلىق تۋرالى حابارلاما كەلىپ تۇسكەن. وندا اققىر اۋىلىنان 30 شاقىرىم جەردەگى «شىرەن» دەگەن ۋچاسكەدە 36 جاستاعى ازاماتتىڭ باسقارۋىنداعى «ۋاز» اۆتوكولىگىن توقتاتقانىن كورسەتكەن. تەكسەرۋ بارىسىندا اۆتوكولىك ىشىنەن اڭشى مىلتىقتارى مەن اڭ اۋلاۋعا تىيىم سالىنعان قۇرالدار, ياعني ەكى دانا جارىق شام (پروجەكتور) جانە 13 دانا قويان انىقتالعان.
وقيعا ورنىنا شىققان جەدەل-تەرگەۋ توبىمەن ءۇش كۇدىكتى 36 جاستاعى جانە 39 جاستاعى ەكى اۋدان تۇرعىنى ۇستالدى. بارلىق ايعاقتى زاتتار تاركىلەندى. اتالعان دەرەك بويىنشا جالاعاش اۋداندىق پوليتسيا بولىمىمەن قازاقستان رەسپۋبليكاسى قىلمىستىق كودەكسىنىڭ 337-بابىنىڭ 1-بولىگىنە سايكەس (زاڭسىز اڭشىلىق) سوتقا دەيىنگى تەرگەپ-تەكسەرۋ امالدارى جۇرگىزىلۋدە.
