«ەلوردانى «نۇر-سۇلتان — جاي̆لى قالا» ماستەر-جوسپارىنىڭ تۇجىرىمداماسى اياسىندا دامىتۋدامىز. اۋدانداردى دامىتۋدى پوليورتالىق كونتسەپتسياسىنا كوشىردىك, بۇل — ءبىلىم بەرۋ, مەديتسينا, دەمالىس ورىندارى جانە ت.ب. نىساندار تۇرعىندارعا قولسوزىم جەردە بولۋى ءۇشىن جاسالدى.
ەلدى-مەكەن تۇرعىندارىمەن كەزدەسۋ بارىسىندا ولار سپورتپەن شۇعىلدانۋعا, بوس ۋاقىتىن وتكىزۋگە ارنالعان ورىندار سالۋدى سۇراعان.
بيىل ءوندىرىس, كوكتال, ۇركەر (يلينكا), جەلەزنودوروجنىي̆ ەلدى-مەكەندەرىندە ءىرى دەنە شىنىقتىرۋ-ساۋىقتىرۋ كەشەندەرىن سالامىز. كەشەندەردە سپورتپەن اي̆نالىسۋعا ارنالعان كابينەتتەردەن باسقا (باسكەتبول, ۆولەي̆بول, ۇستەل تەننيسى, ترەناجەر زالى, كۇرەس, بوكس) پوليتسيا بەكەتتەرى, پوشتا بولىمشەلەرى, ەگدە جاستاعى تۇرعىندارعا ارنالعان كلۋبتار, حقو جانە ت.ب. نىساندار ورنالاسادى. دەنە شىنىقتىرۋ-ساۋىقتىرۋ كەشەندەرى تەگىن بولادى.
مەملەكەت باسشىلىعى ەلدى-مەكەندەردى دامىتۋعا, سونىڭ ىشىندە بۇقارالىق سپورتتى ناسيحاتتاۋعا ەرەكشە كوڭىل ءبولىپ وتىر. ول ءۇشىن بارلىق جاعداي̆دى جاساي̆مىز.
مىسالى, وتكەن جىلى 760 مىڭ شارشى مەتردەن استام اۋلا اباتتاندىرىلدى: بۇل 150-دەن استام اۋلا جانە 60 قوعامدىق كەڭىستىك. قالانىڭ ەسكى بولىگىنە, سونداي̆-اق بۇرىن بوس, قاراۋسىز قالعان جەرلەرگە باسا نازار اۋدارىلدى. وسىلاي̆شا, ەلوردا كارتاسىندا جاڭا وشاقتار پاي̆دا بولدى. بيىل ولاردى ۇلعاي̆تۋ بوي̆ىنشا جۇمىستى جالعاستىرامىز.
سونداي̆-اق, كوكتەمنەن باستاپ قالانى كوگالداندىرۋدى ەرەكشە نازاردا ۇستاۋدى جالعاستىرا بەرەمىز. مەگاپوليستە ەكواي̆ماقتار بارىنشا كوپ بولۋى ءتيىس», دەپ جازدى قالا اكىمى التاي كولگىنوۆ.
