ساياسات • 12 قاڭتار، 2021

بۇل – پارتيا ءۇشىن ءتالىمى مول تاجىريبە

6 رەت كورسەتىلدى

ەلدەگى پارلامەنتتىك سايلاۋدىڭ الدىن الا قورىتىندىسى بويىنشا «اق جول» پارتياسى سايلاۋشىلاردىڭ 10،18% داۋىسىن جيناپ، ەكىنشى ورىنعا شىقتى. پارتيا وكىلدەرى سايلاۋدا داۋىس بەرگەندەرگە العىس ءبىلدىرىپ، قازاقستان حالقىن سايلاۋدىڭ ءساتتى وتۋىمەن قۇتتىقتادى.

«اق جول» پارتياسىنىڭ توراعاسى ساياسي ۇيىمدى قولداعان وتانداستارىنا العىس بىلدىرە كەلە، بۇل ناۋقاندا ۇلكەن تاجىريبە جيناعانىن باسا ايتتى. ونىڭ ايتۋىنشا، بيىلعى ناۋقان قاۋىپتى ىندەتپەن تۇسپا-تۇس كەلدى. سوعان قاراماستان، سايلاۋ بارلىق سانيتارلىق تالاپتى ساقتاي وتىرىپ ۇيىمداستىرىلدى.

«مەن «اق جول» پارتياسىنا جانە وزگە دە ساياسي پارتيالارعا داۋىس بەرگەن وتانداستارىما شىن جۇرەك­تەن العىس ايتامىن. سەبەبى ءاربىر ازامات­تىڭ داۋى­سى وتە ماڭىزدى. ساياسي پار­تيا­لارى­مىز بەن سايلاۋشىلارىمىز وتە جاقسى تاجىريبە جينادى. ول تاجى­ري­بە ءارى قاراي دا ەلىمىزدىڭ دامۋىنا، دەموكراتيالاندىرۋىنا وتە پايدالى بو­لادى دەپ ويلايمىن. ءبىزدىڭ پارتياعا كورسەتكەن سەنىمدى اقتاۋعا تىرىسامىز. وعان ەش كۇمان بولماسىن جانە دە ءبىز­دىڭ ارىپتەستەرىمىز – باسقا دا پارتيا تور­اعالارىن، تۇڭعىش پرەزيدەنتىمىزدى قۇت­تىقتاعىم كەلەدى»، دەدى ا.پەرۋاشەۆ.

«اق جول» پارتياسىنان ماجىلىسكە 38، ماسليحاتقا 705 كانديدات ۇسى­نىل­عان ەدى. ەxit poll ناتيجەلەرىن جاريا­لاعاننان كەيىن اقجولدىقتار ءبىر-ءبىرىن قۇتتىقتاپ، سايلاۋشىلارعا العىس ايتىپ، ارىپتەستەرىنە تابىس تىلەدى.

 

 

سوڭعى جاڭالىقتار

«بارىس» ۇتىلىپ قالدى

سپورت • 06 ناۋرىز، 2021

ەلدوس سمەتوۆ كۇمىس الدى

سپورت • 06 ناۋرىز، 2021

«قايرات» – قولا جۇلدەگەر

ايماقتار • 06 ناۋرىز، 2021

ءار سالا ۇزدىكتەرىنە قۇرمەت تانىتتى

ايماقتار • 05 ناۋرىز، 2021

ۇقساس جاڭالىقتار