قوعام • 11 قاڭتار، 2021

ماقتا سالاسىن دامىتۋعا ارنالعان جاڭا زاڭ قابىلداندى

65 رەت كورسەتىلدى

وتكەن اپتادا پرەزيدەنت قاسىم-جومارت توقاەۆ «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ماقتا سالاسى ماسەلەلەرى بويىنشا وزگەرىستەر ەنگىزۋ جانە «ماقتا سالاسىن دامىتۋ تۋرالى» قازاقستان رەسپۋبليكاسى زاڭىنىڭ كۇشى جويىلدى دەپ تانۋ تۋرالى» قازاقستان رەسپۋبليكاسىنىڭ زاڭىنا قول قويدى. جاڭا قۇجات ارتىق اكىمشىلىك كەدەرگىلەردى جويۋعا جانە ماقتا سالاسىنىڭ ينۆەستيتسيالىق احۋالىن ساۋىقتىرۋعا باعىتتالعان، دەپ حابارلايدى Egemen.kz.

ماقتا سالاسىن دامىتۋ ماسەلەلەرى جانە ونىڭ توقىراۋ سەبەپتەرى تاۋار وندىرۋشىلەر وكىلدەرىنىڭ، ۋاكىلەتتى مەملەكەتتىك ورگانداردىڭ، جەرگىلىكتى بيلىك ورگاندارىنىڭ، پارلامەنت دەپۋتاتتارىنىڭ قاتىسۋىمەن ءارتۇرلى الاڭداردا بىرنەشە رەت تالقىلانعان بولاتىن. ناتيجەسىندە تاراپتار سالاداعى ىسكەرلىك بەلسەندىلىكتى تەجەيتىن قولدانىستاعى اكىمشىلىك كەدەرگىلەر مەن شەكتەۋلەردى الىپ تاستاۋ قاجەتتىلىگى تۋرالى ورتاق پىكىرگە كەلدى.

ماقتا قولحاتتارى جۇيەسىنىڭ رەتتەلۋى نەگىزگى قۇرالداردىڭ كەپىلىنە شەكتەۋلەر ەنگىزۋ سالدارىنان قارجى ينستيتۋتتارى مەن ماقتا وڭدەۋ ۇيىمدارى اراسىندا تاريحي قالىپتاسقان قاتىناستاردىڭ جويىلۋىنا جانە تيىسىنشە سالانىڭ قۇلدىراۋىنا الىپ كەلدى.

قالىپتاسقان جاعدايدى جاقسارتۋ ءۇشىن جاڭا زاڭدا ماقتا قولحاتتارىنىڭ ءتيىمسىز جۇيەسىن قايتا رەتتەي وتىرىپ ماقتا وڭدەۋ ۇيىمدارىنىڭ قىزمەتىن ليتسەنزيالاۋدى جانە ونى قامتاماسىز ەتۋگە باعىتتالعان شارالاردى الىپ تاستاۋ ۇسىنىلادى.

ناقتى ايتاتىن بولساق، جەتى زاڭنامالىق اكتىدەن: ماقتا وڭدەۋ ۇيىمدارىنىڭ اكىمشىلىك جاۋاپكەرشىلىگىن، ولاردى تاراتۋدىڭ ەرەكشە ءتارتىبىن، ءتيىستى ءىس جۇرگىزۋ نورمالارىن جانە ت.ب. نورمالاردى الىپ تاستاۋ ۇسىنىلادى.

قابىلدانعان زاڭ ماقتا سالاسىنا قارجى ينستيتۋتتارىن تارتۋعا جانە اۋىلدا جۇمىسپەن قامتۋدى ۇلعايتىپ، سالانىڭ نەگىزگى كورسەتكىشتەرىن كوتەرە وتىرىپ وڭ الەۋمەتتىك-ەكونوميكالىق اسەر ەتەدى.

ەستەرىڭىزگە سالساق، 2019 جىلدىڭ قاراشا ايىندا ەلىمىزدىڭ ماقتا وسىرۋشىلەرىمەن كەزدەسۋ قورىتىندىسى بويىنشا اۋىل شارۋاشىلىعى ءمينيسترى ساپارحان وماروۆ ماقتا سالاسىنىڭ جۇيەلى ماسەلەلەرىن شەشۋ بويىنشا كەشەندى جۇمىس باستاعان بولاتىن. ديقاندارعا العاشقى قولداۋ رەتىندە مينيستر وسىمدىك شارۋاشىلىعىنداعى سۋبسيديالاۋ قاعيدالارىنا وزگەرىستەر ەنگىزۋ تۋرالى شۇعىل بۇيرىعىن جاريالاعان ەدى.

سوڭعى جاڭالىقتار

«بارىس» ۇتىلىپ قالدى

سپورت • 06 ناۋرىز، 2021

ەلدوس سمەتوۆ كۇمىس الدى

سپورت • 06 ناۋرىز، 2021

«قايرات» – قولا جۇلدەگەر

ايماقتار • 06 ناۋرىز، 2021

ءار سالا ۇزدىكتەرىنە قۇرمەت تانىتتى

ايماقتار • 05 ناۋرىز، 2021

ۇقساس جاڭالىقتار