كۇلاش اسكەقىزى ءار جىلدارى تالاس اۋدانىنىڭ كرۋپسكايا اتىنداعى جەتى جىلدىق مەكتەبىندە مۇعالىم, ديرەكتور بولىپ جۇمىس ىستەگەن. كومسومول كوميتەتىنىڭ ءبىرىنشى حاتشىسى, جامبىل وبلىستىق كومسومول كوميتەتىنىڭ نۇسقاۋشىسى, كەگەن اۋدانى كومسومول كوميتەتىنىڭ ءبىرىنشى حاتشىسى, جامبىل اۋدانى پارتيا كوميتەتىنىڭ نۇسقاۋشىسى, كراسنوگور اۋدانى پارتيا كوميتەتىنىڭ ءبولىم مەڭگەرۋشىسى, بكپ(ب) كراسنوگور اۋداندىق كوميتەتىنىڭ ءۇشىنشى حاتشىسى, ءبىرىنشى حاتشىسى, قازاق كسر الەۋمەتتىك قامسىزداندىرۋ ءمينيسترىنىڭ ورىنباسارى قىزمەتتەرىن اتقارعان.
سونداي-اق كۇلاش اسكەقىزى كسرو جوعارعى كەڭەسىنىڭ 3-ءشى شاقىرىلىمىنىڭ دەپۋتاتى بولىپ سايلانعان.
«ول كىسى جىلى شىرايمەن قارسى الىپ, العىسىن ءبىلدىردى. ەلىمىزدىڭ وركەندەۋىن تىلەدى. كۇلاش اسكەقىزى ساياسي ءبىلىمدى, سايلاۋ تۋرالى اقپاراتتىڭ بارىنەن حاباردار. بارلىق 5 پارتيانى, ولاردىڭ باعىتتارىن بىلەدى. ەلىمىزدە بولاتىن سايلاۋلارعا تۇراقتى قاتىساتىنىن ايتتى. ول ءماجىلىس پەن ءماسليحات بيۋللەتەندەرىن ءوز بەتىمەن وقىپ شىقتى», — دەدى سايلاۋ كوميسسياسىنىڭ ءتورايىمى گۇلجان ىسقاقوۆا.
ونىڭ ايتۋىنشا سايلاۋشىلار سايلاۋعا ۇلكەن قىزىعۋشىلىق تانىتىپ وتىر.
ء«بارى ازاماتتىق ۇستانىمىن كورسەتتى. كەلگەن سايلاۋشىلار كوڭىلدى كەلىپ قاتىسىپ جاتتى. سايلاۋ ۋچاسكەسىندە مۋزىكا ويناپ, سايلاۋشىلارمەن بىرگە ءانۇران شىرقالدى», — دەدى سايلاۋ كوميسسياسىنىڭ توراعاسى.
