قر ورتالىق سايلاۋ كوميسسياسىنىڭ دەرەگىنشە, استانا ۋاقىتىمەن ساعات 20:00-دە ەلىمىزدىڭ 12 وڭىرىندەگى 8 144 سايلاۋ ۋچاسكەسى جابىلدى. قازىر ۋاقىت بەلدەۋلەرىنىڭ شەكاراسىنا سايكەس, 5 وڭىردە – اقتوبە, اتىراۋ, باتىس قازاقستان, قىزىلوردا جانە ماڭعىستاۋ وبلىستارىندا سايلاۋ ۋچاسكەلەرىندە داۋىس بەرۋ جالعاسىپ جاتىر.
بۇل وڭىرلەردە داۋىس بەرۋ جەرگىلىكتى ۋاقىتپەن ساعات 20:00-دە, ال استانا ۋاقىتىمەن 21:00-دە اياقتالادى.
سونىمەن قاتار قازاقستاننىڭ شەتەلدەردەگى وكىلدىكتەرى جانىنان اشىلعان 10 سايلاۋ ۋچاسكەسىندە سايلاۋشىلار داۋىس بەرىپ بولدى. شەتەلدەگى 56 ۋچاسكەدە داۋىس بەرۋ جالعاسۋدا.
ايتا كەتەرلىگى, 11 قاڭتار نۇر-سۇلتان ۋاقىتىمەن تاڭعى ساعات 07:00-دە امەريكا قۇراما شتاتتارى مەن كاناداداعى قازاقستان ازاماتتارى داۋىس بەرۋدى اياقتايدى.
