ت.جاقسىلىقوۆ اتاپ وتكەندەي, قازىرگى پارلامەنتتىك سايلاۋ قازاقستان پارلامەنتاريزمىنىڭ دامۋى مەن قازاقستان پرەزيدەنتى قاسىم-جومارت توقاەۆ باستاعان ساياسي رەفورمالاردى جۇزەگە اسىرۋدىڭ ماڭىزدى كەزەڭى بولىپ تابىلادى.
«سايلاۋدىڭ ايەلدەر مەن جاستارعا ارنالعان كۆوتانى ەسكەرە وتىرىپ وتكىزىلۋى ەرەكشە ماڭىزدى. بۇل باستاما قالىڭ بۇقارانى ەلدىڭ ساياسي ومىرىنە بەلسەندى تارتۋعا باعىتتالعان. مۇمكىن پارلامەنتتىك سايلاۋدىڭ باستى ەرەكشەلىگى - كوپ پارتيالى جۇيەنىڭ دامۋى جانە ساياسي پليۋراليزم», دەدى ول.
وسى رەتتە ت.جاقسىلىقوۆ پارلامەنتتىك سايلاۋ ناتيجەسىندە لايىقتى ساياساتكەرلەر وتەدى جانە ءبىز وتانسۇيگىشتىك, قازاقستاندىق قوعامنىڭ مۇددەلەرىن ودان ءارى قورعايتىن جانە جالپى ساياسي پىكىرلەردىڭ بارلىق سپەكترىن ۇسىناتىن كوپتەگەن جاڭا ەسىمدەردى كورەتىنىنە سەنىمدى ەكەنىن, بۇل ءبىزدىڭ ەلىمىزدە ءپليۋراليزمدى, دەموكراتيانى جانە ازاماتتىق قوعامدى دامىتۋداعى وتە ماڭىزدى كەزەڭ بولاتىنىن ايتىپ ءوتتى.
سايلاۋ ۋچاسكەسىنىڭ دايىندىعى مەن جۇمىسىن ۇيىمداستىرۋدىڭ جوعارى دەڭگەيى دە تيمۋر جاقسىلىقوۆتىڭ نازارىنان تىس قالمادى.
ءىس-شارا جوعارى دەڭگەيدە ۇيىمداستىرىلدى. پاندەميا جاعدايىندا ەلشىلىك سايلاۋدىڭ ءساتتى ءوتۋى ءۇشىن بارلىق مۇمكىندىكتى جاسادى, دەپ تۇيىندەدى ت.جاقسىلىقوۆ.
