سايلاۋ كۇنىندە نارەستەلى بولعاننىڭ قاتارىنلا يساتاي اۋدانىنىڭ تۇرعىنى شىنار تولەۋىشوۆا دا بار. ول بۇگىن ومىرگە ءتورتىنشى ءسابيىن اكەلدى.
ء«بىزدىڭ وتباسىمىزدا بالالارعا ماعىناسى بولەك, ساياسي ناۋقان مەن ايرىقشا وقيعالارعا بايلانىستى ەرەكشە ەسىمدەر بەرۋ ءداستۇرى بار. ماسەلەن ءۇشىنشى قىزىمىزدى قۇرالاي دەپ اتادىق. سەبەبى, قىزىمىز كوكتەمگى تابيعات قۇبىلىسى – قۇرالاي اتالاتىن امال كەزىندە دۇنيەگە كەلدى. بۇگىنگى سايلاۋ كۇنىندە دۇنيەگە كەلگەن ءتورتىنشى قىزىمىعا ەسىم تاڭداۋدى وسى شارامەن بايلانىستىرماق ويىمىز بولعان. بىراق قىزىمىزعا سايلاۋ دەگەن ەسىم بەرىلمەيدى. بالكىم, قىزىمىزدى تاۋەلسىز ەلىمىزدىڭ الەۋمەتتىك-ەكونوميكالىق وركەندەۋىنە لايىقتى ۇلەسىن قوسىپ جۇرگەن ىسكەر, ءارى ساياساتكەر ايەلدەردىڭ ءبىرىنىڭ ەسىمىمەن اتاۋىمىز مۇمكىن. ال بۇگىن – تاۋەلسىزدىگىمىزگە 30 جىل تولعالى وتىرعان مەرەيلى ءسات قارساڭىندا ەلىمىزدىڭ كەلەشەگىن بۇگىنگىدەن دە كەمەلدەندىرە تۇسۋگە تاڭداۋ جاسايتىن تاريحي كۇن. سوندىقتان, ەلىمىزدىڭ جاڭعىرۋىمەن بىرگە قىزىمىزدىڭ دا بولاشاعى جارقىن بولارىنا سەنەمىن», دەيدى شىنار تولەۋىشوۆا.
