"بۇگىن حالقىمىز ءۇشىن ەرەكشە كۇن. سەبەبى سايلاۋ - كەز كەلگەن ەلدىڭ ومىرىندەگى ماڭىزدى وقيعا. ءبارىمىز ۇلت بولىپ, حالىق بولىپ داۋىس بەرىپ جاتىرمىز. بۇل سايلاۋ حالقىمىزدىڭ ودان ءارى دامۋىنا ودان ءارى سەرپىن بەرەدى. جالپى, پارلامەنتكە نەعۇرلىم كوپ پارتيا كىرسە, ەلىمىزدىڭ بولاشاعى ءۇشىن جاقسى بولادى دەپ ۇمىتتەنەمىن. سوندىقتان سايلاۋ جاقسى ءارى ءادىل بولادى دەپ ويلايمىن", دەدى مەملەكەت باسشىسى.
ق.توقاەۆ پارلامەنتتىڭ نەگىزگى مىندەتى ساپالى تۇردە زاڭداردى قابىلداۋ ەكەنىن دە ءسوز ەتتى. پرەزيدەنتتىڭ ايتۋىنشا, قازاقستان ءۇشىن ساپالى زاڭناما جۇيەسى كەرەك.
"بۇل سايلاۋ ەلدەگى دەموكراتيانى دامىتۋدىڭ باستى قادامدارىنىڭ ءبىرى بولادى دەپ ويلايمىن. ءار سايلاۋ ازاماتتىق قالىپتاسۋىنداعى ماڭىزدى ەمتيحان. پارلامەنتىمىزدە ءتۇرلى پارتيا بولادى دەپ ۇمىتتەنەمىن. ەلدىڭ دامۋى ءۇشىن پارلامەنتتە اشىق پىكىرتالاس بولۋى قاجەت. سونداي-اق پارلامەنت ساپالى زاڭدار قابىلداۋى كەرەك.
ازاماتتىق قوعامنىڭ سايلاۋالدى ناۋقانىنداعى بەلسەندىلىگى جوعارى. ۇمىتكەرلەر كوپ. ءار ۇمىتكەرگە تەڭ جاعداي جاسالدى. جالپى, سايلاۋ زاڭعا سايكەس ءوتىپ جاتىر. ەشقانداي زاڭبۇزۋشىلىق بايقاعانىمىز جوق. دەگەنمەن, قاداعالاپ وتىرمىز. بۇل سايلاۋ حالقىمىز, ازاماتتىق قوعام ءۇشىن ۇلكەن سىناق. سوندىقتان ءبارى جاقسى وتەدى دەپ ويلايمىن", دەدى ول.
