ايماقتار • 07 قاڭتار، 2021

اتىراۋ وبلىسىنىڭ تۇرعىنى كيىك ەتىمەن ۇستالدى

262 رەت كورسەتىلدى

اتىراۋ وبلىسى پوليتسيا دەپارتامەنتىنىڭ قىزمەتىندەگى باسىم باعىتتاردىڭ ءبىرى – براكونەرلىكتىڭ بارلىق نىساندارى مەن تۇرلەرىنە، ونىڭ ىشىندە كيىكتەردى زاڭسىز اۋلاۋعا قاتىستى شارالاردىڭ الدىن الۋ، دەپ حابارلايدى Egemen.kz

پوليتسيا قىزمەتكەرلەرى مەن «وحوتزووپروم» رمقك ينسپەكتورلارى جۇرگىزگەن جەدەل-ىزدەستىرۋ ءىس-شارالارىنىڭ ناتيجەسىندە جىلىوي اۋدانىنىڭ تۇرعىنىنان اتالىق كيىك ەتى تابىلدى.

اتالعان فاكتى بويىنشا 339-باپتىڭ 1-1-بولىگى (كيىكتى زاڭسىز اۋلاۋ، جويۋ، سول سياقتى زاڭسىز ولجالانعان كيىكتى نەمەسە ونىڭ دەريۆاتتارىن، ونىڭ ىشىندە مۇيىزدەرىن ساتىپ الۋ، ساقتاۋ، وتكىزۋ، اكەلۋ، جونەلتۋ، تاسىمالداۋ) بويىنشا سوتقا دەيىنگى تەرگەپ-تەكسەرۋ جۇرگىزىلەدى.

كۇدىكتىگە قاتىستى قىلمىستىق كودەكستىڭ جاڭا بابى قولدانىلادى. وعان ءۇش جىلدان بەس جىلعا دەيىنگى مەرزىمگە باس بوستاندىعىن شەكتەۋ نەمەسە مۇلكى تاركىلەنىپ، سول مەرزىمگە باس بوستاندىعىنان ايىرۋ قاۋپى تونەدى.

– كيىكتەر – قورعالاتىن جانۋارلار، جويىلىپ بارا جاتقان تۇرلەر رەتىندە قىزىل كىتاپقا ەنگىزىلگەن. ءداستۇرلى ەمەس مەديتسينادا كيىكتەردىڭ مۇيىزدەرىن پايدالانۋ ءۇشىن، براكونەرلەر كيىكتەردى جويۋدا. كيىكتەردى زاڭسىز اۋلاۋ فاكتىلەرى سوڭعى ۋاقىتتا وبلىستىڭ ءارتۇرلى اۋداندارىنان كەلىپ تۇسۋدە. قازىرگى ۋاقىتتا كيىك ءمۇيىزىن كوتەرمە ساتىپ الۋمەن جانە ولاردى الىس، جاقىن شەت ەلدەرگە وتكىزۋمەن اينالىساتىن ادامداردى انىقتاۋعا باعىتتالعان ودان ءارى جەدەل-ىزدەستىرۋ ءىس-شارالارى جۇرگىزىلۋدە، – دەپ اتاپ ءوتتى دەپارتامەنت باستىعى اتىعاي ارىستانوۆ.  

جەدەل الدىن الۋ ءىس-شارالارىن وتكىزۋ كەزەڭىندە ءموبيلدى توپتار 150-دەن استام رەيدتىك ءىس-شارالار وتكىزىپ، تابيعات قورعاۋ زاڭناماسىن بۇزۋدىڭ 88 فاكتىسى انىقتالدى.

انىقتالعان بۇزۋشىلىقتاردىڭ جالپى سانىنان 79-ى بويىنشا جالپى سوماسى 187 515 تەڭگەگە اكىمشىلىك ايىپپۇل سالۋ تۋرالى قاۋلى شىعارىلىپ، 118 065 تەڭگە ءوندىرىلدى، ونىڭ ىشىندە:

11 بالىق اۋلاۋ جانە بالىق رەسۋرستارى مەن باسقا دا سۋ جانۋارلارىن قورعاۋ قاعيدالارىن بۇزعانى ءۇشىن;

68-جانۋارلار دۇنيەسىن پايدالانۋ تالاپتارىن جانە اڭ اۋلاۋ قاعيدالارىن بۇزعانى ءۇشىن ۇستالدى.

كورسەتىلگەن كەزەڭدە ماقساتتى ءىس-شارالاردى جۇرگىزۋ بارىسىندا توعىز قىلمىستىق ءىس انىقتالىپ، قوزعالدى، ونىڭ ىشىندە:

– قر قك 337 بابى بويىنشا (زاڭسىز اڭشىلىق) – بەس;

– قر قك 339-بابى 1-1-تارماعى (كيىكتى زاڭسىز ولجالاۋ، جويۋ، سول سياقتى زاڭسىز ولجالانعان كيىكتى نەمەسە ونىڭ دەريۆاتتارىن، ونىڭ ىشىندە مۇيىزدەرىن ساتىپ الۋ، ساقتاۋ، وتكىزۋ، اكەلۋ، اكەتۋ، جونەلتۋ، تاسىمالداۋ) بويىنشا – ءۇش;

– قر قك 339-بابى 1-ءبولىمى بويىنشا (سيرەك كەزدەسەتىن جانە قۇرىپ كەتۋ قاۋپى تونگەن، سونداي-اق پايدالانۋعا تىيىم سالىنعان وسىمدىكتەر مەن جانۋارلار تۇرلەرىمەن، ولاردىڭ بولىكتەرى مەن دەريۆاتتارىمەن زاڭسىز جۇگىنۋ) – ءبىر;

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار