وقىس وقيعا بۇگىن, ياعني 7 قاڭتار ساعات 08: 52-دە نۇر-سۇلتان قالاسى ەسەنبەرلين كوشەسى, 26/1 مەكەنجايىندا ورنالاسقان اۆتوكولىك جۋ ورنىندا تىركەلگەن. ونىڭ ىشىندە كولىك جانىپ جاتقانى تۋرالى كەلىپ تۇسكەن شاقىرۋعا نۇر-سۇلتان قالاسىنىڭ تجد ءورت ءسوندىرۋ بولىمشەلەرىنەن 9 تەحنيكا مەن جەكە قۇرامنان 15 ادام جۇمىلدىرىلعان. ء«ورت سوندىرۋشىلەر ساعات 08:59 شاماسىندا كەلگەن بويدا «باتىر» كولىك جۋ ورنىنىڭ ەكى قاباتتى عيماراتىندا كولىكتەر جانىپ جاتقانى انىقتالدى. الدىن الا بولجام بويىنشا 13 جەڭىل اۆتوكولىككە زاقىم كەلگەن. اۆتوكولىك جۋاتىن ورىن اۆتوكولىكتەرمەن تىعىز تولتىرىلعاندىقتان وتتى اۋىزدىقتاۋ ءبىراز قيىنعا سوقتى, بىراق ءورت سوندىرۋشىلەردىڭ جەدەل جانە ساۋاتتى ءىس-قيمىلىنىڭ ارقاسىندا ءتىلسىز جاۋ ءسوندىرىلدى. قازا بولعاندار مەن زارداپ شەككەندەر جوق. ءورتتىڭ شىعۋ سەبەبى انىقتالىپ جاتىر», دەيدى مينيسترلىكتەن.
