ء«بىزدىڭ ماقساتىمىز — ءتۇسىندىرۋ. ياعني ماسكا تاعۋ جانە ونى دۇرىس تاعۋ, 2 ساعات سايىن اۋىستىرۋ, وسىنداي قوعامدىق ورىنداردا الەۋمەتتىك قاشىقتىق ساقتاۋ, قولىمىزدى ۇنەمى زارارسىزداندىرۋدىڭ ماڭىزدىلىعىن تۇرعىندار ەسىنە تاعى ءبىر رەت سالۋعا كەلدىك. بۇل نورمالاردى تەك كەلۋشىلەردىڭ عانا ەمەس, سونىمەن قاتار اتالعان ساۋدا نىساندارىنداعى كاسىپورىندار قىزمەتكەرلەرىنىڭ دە ساقتاۋى قاجەت, بۇل رەتتە ءبىز ەلوردانىڭ باس سانيتار دارىگەرىنىڭ نورمالارىن باسشىلىققا الامىز», دەيدى كاسىپكەرلىكتى دامىتۋ جانە ينۆەستيتسيا بويىنشا باسقارماسىنىڭ قىزمەت كورسەتۋ جانە ساۋدانى دامىتۋ ءبولىمىنىڭ باسشىسى رۋسلان ىدىرىسوۆ.
ونىڭ ايتۋىنشا, ساۋدا ورتالىقتارى بويىنشا ايتالىقتاي زاڭبۇزۋشىلىقتار انىقتالعان جوق.
ءىس-شاراعا قاتىسۋشىلاردىڭ اقپاراتى بويىنشا, الدىڭعى مونيتورينگتىك جۇمىستىڭ ناتيجەلەرى سانيتارلىق نورمالار نەگىزىنەن قوعامدىق تاماقتانۋ ورىندارىندا بۇزىلاتىنىن كورسەتتى.
«ماسكا كيۋ وتە ماڭىزدى, مىسالى, ەگەر ناۋقاس ادام ماسكا كيىپ جۇرسە, وندا ول جاقىن ماڭداعى ادامدى ينفەكتسيادان 15% قورعايدى. سونداي-اق, بەتپەردە كيگەن ادام ناۋقاسپەن بىرگە بولعان جاعدايدا 70%-عا ينفەكتسيانى بولدىرماۋى مۇمكىن», دەيدى سارىارقا اۋدانى سانيتارلىق-ەپيدەميالىق باقىلاۋ باسقارماسىنىڭ باس مامانى گۇلدەن كونكاباەۆا.
شوب وبەكتىلەرى جول بەرەتىن نەگىزگى بۇزۋشىلىقتارعا بۇقارالىق ءىس-شارالاردى وتكىزۋ, جۇمىس رەجيمىن, كەلۋشىلەردىڭ بەلگىلەنگەن سانىن (30-دان استام), قىزمەتكەرلەردىڭ (داياشىلار, ساتۋشىلار) بەتپەردە رەجىمىن ساقتاماۋ, ويىن-ساۋىق ورىندارىنىڭ جۇمىسىنا تىيىم سالۋدى ەلەمەۋ جاتادى.
ەلوردانىڭ سانيتارلىق-ەپيدەميالىق باقىلاۋ دەپارتامەنتىنىڭ اقپاراتىنا سايكەس, وتكەن جىلدىڭ 5 شىلدەسىنەن 31 جەلتوقسانىنا دەيىن شەكتەۋ جانە كارانتين شارالارىن بۇزعانى ءۇشىن 1 454 جەكە, لاۋازىمدى جانە اكىمشىلىك جاۋاپكەرشىلىككە تارتىلدى.
