قوعامدىق بىرلەستىكتىڭ توراعاسى, قر ەڭبەك سىڭىرگەن قايراتكەرى, جازۋشى سادىبەك تۇگەلدىڭ ايتۋىنشا, ا.شپەكباەۆ «حالىق ۇنىنە قۇلاق اساتىن مەملەكەت» تۇجىرىمداماسىنا سايكەس قالا, اۋدان, اۋىلدىق اكىمدىكتەردى سەرۆيستىك ۇلگىگە تولىعىمەن كوشىرۋدەگى قوماقتى ۇلەسى, مەملەكەتتىك قىزمەتتەردى تسيفرلاندىرۋعا بەلسەنە قاتىسۋ, مەملەكەتتىك اپپاراتتىڭ اشىقتىعى مەن تۇتىنۋشىعا باعدارلانۋىن قامتاماسىز ەتۋگە باعىتتالعان رەسپۋبليكالىق «ادالدىق الاڭى» جوباسىن ناسيحاتتاۋ, قوعام پەن مەملەكەت اراسىنداعى ديالوگ الاڭىنا اينالعان «Antikor Ortalygyn» اشۋ, سونىمەن قوسا سىبايلاس جەمقورلىققا قارسى جاڭا زاڭنامالاردى ىسكە اسىرۋ جانە ت.ب. بىرقاتار باستامالارى ءۇشىن ماراپاتتالعان.
ەسكە سالايىق, وسىعان دەيىن بۇل نوميناتسياعا ەلباسى – تۇڭعىش پرەزيدەنت نۇرسۇلتان نازارباەۆ, جامبىل وبلىسىنىڭ اكىمى بەردىبەك ساپارباەۆ يە بولعان ەدى. سول سياقتى 2011 جىلدان بەرى ەلىمىزدەگى تانىمال تۇلعالار بىرلەستىك لايىق دەپ تاپقان نوميناتسيالاردى يەلەنىپ كەلەدى.
ايتا كەتەيىك, قوعامدىق بىرلەستىكتىڭ ماقساتى – حالىقتى بىرلىككە, ىنتىماققا شاقىرۋ, ۇلتتىق قۇندىلىقتاردى ۇلىقتاۋ, جاستاردى پاتريوتتىق تاربيەلەۋ, جەمقورلىققا قارسى پارمەندى كۇرەس جۇرگىزۋ.
