الەم • 06 قاڭتار، 2021

شۆارتسەنەگگەر ترامپتىڭ سايلاۋ ناتيجەلەرىنە قارسىلىعىن «باسسىزدىق» دەپ اتادى

54 رەت كورسەتىلدى

گولليۆۋد اكتەرى، كاليفورنيانىڭ بۇرىنعى گۋبەرناتورى ارنولد شۆارتسەنەگگەر پرەزيدەنت دونالد ترامپتىڭ سايلاۋ ناتيجەلەرىنە قارسى تۇرۋ ارەكەتىن «باسسىزدىق» دەپ اتادى، دەپ حابارلايدى Egemen.kz

شۆارتسەنەگگەر Economist جۋرنالىنا بەرگەن سۇحباتىندا: «پرەزيدەنتتىك سايلاۋدا كىم جەڭىسكە جەتكەنىنە كۇمان جوق. بۇل ابسۋردتىڭ جالعاسى – اقىماقتىق، باسسىزدىق جانە ز ۇلىمدىق»، دەپ ايتىپ ءوتتى.

ايتا كەتەيىك، اكتەر اۋستريا ەلىندە دۇنيەگە كەلگەن. ول 1938 جىلى اۋستريانىڭ ناتسيستىك گەرمانياعا قوسىلىپ، كەيىننەن ەكىنشى دۇنيەجۇزىلىك سوعىستىڭ قيان-كەسكى زارداپتارىن كورگەنىن ەسكە الدى. سوندىقتان اقش-تىڭ بۇگىنگى ساياسي جاعدايىنا الاڭداۋشىلىعىن ءبىلدىردى.

«مەن بۇگىن ءوز ەلىم ءۇشىن قاتتى ۋايىمدايمىن.  مەن يمميگرانت رەتىندە، امەريكالىق جانە رەسپۋبليكالىق رەتىندە سويلەۋگە مىندەتتىمىن. دەموكراتيادان باس تارتقان جانە سونىڭ اۋىر سالدارىنان جاپا شەككەن ەلدە، قيراندىلاردىڭ اراسىندا ءوستىم»، دەپ تولىقتىردى شۆارتسەنەگگەر.

ەسكە سالا كەتەيىك، رەسمي مالىمەتتەرگە سايكەس دەموكراتيالىق پارتيانىڭ مۇشەسى دجو بايدەن پرەزيدەنتتىك سايلاۋدا جەڭىسكە جەتتى. سويتە تۇرا، قازىرگى پرەزيدەنت دونالد ترامپ جەڭىلىستى مويىنداماي وتىر.

سوڭعى جاڭالىقتار

ۇقساس جاڭالىقتار