اتالعان جۇمىسقا تاپسىرىس بەرۋشى «قازاۆتوجول», ال باس مەردىگەر «دورستروي» جاۋاپكەرشىلىگى شەكتەۋلى سەرىكتەستىگى. قايتا قۇرۋ جۇمىستارىنىڭ قۇنى 5,2 ميلليارد تەڭگەنى قۇرايدى. سونىمەن قاتار, مۇندا قايتا قۇرۋ جۇمىستارىنىڭ ناتيجەسىندە 9 «راپيسكان» جەكە ينسپەكتسيالىق كەشەندەرى پايدا بولىپ وتىر. ولاردى جوعارى تەحنولوگيالىق سكانەرلەر دەپ تە اتايدى.
كەشەندەردىڭ بىرەۋى ءىرى كولىك قۇرالدارىن سكانەرلەۋگە ارنالسا, قالعان شاعىن 8 كەشەن جەكە ادامدارعا ارنالعان. بۇل قۇرىلعىلار شەكارادان جاياۋ وتۋشىلەر ءۇشىن گالەرەيامەن بايلانىسقان ا جانە ۆ ەكى بلوكتا ورنالاسقان. سونداي-اق, مۇمكىندىگى شەكتەۋلى جاندارعا ارنالعان ارنايى سانيتارلىق قوندىرعىلار جابدىقتالىپ, اۋماعى اباتتاندىرىلعان.
بۇل رەتتە وبلىس اكىمى بەردىبەك ساپارباەۆ تەكسەرۋ كەشەندەرىنىڭ جەتكىلىكتى بولۋى پۋنكت جۇمىسى كەزىندە اسا ماڭىزدى بولىپ تابىلاتىنىن اتاپ ءوتتى. سونىمەن قاتار, كىرمە جولدار ەكى باعىت بويىنشا سەگىز جولاق بولىپ كەڭەيتىلگەن. ماۋسىم ىشىندە «قورداي» پۋنكتى ارقىلى 35 مىڭعا دەيىن ادام وتەدى دەپ جوسپارلانعان.
مينيستر بەيبىت اتامقۇلوۆ جۇمىستىڭ بارلىق باعىتتارىندا حالىقارالىق ستاندارتتارعا ۇمتىلۋ قاجەتتىگىن ايتتى. سونداي-اق, مينيستر ينۆەستور تارتىپ, اۆتوتۇراقتىڭ ورنىنا زاماناۋي لوگيستيكالىق ورتالىق سالۋدى ۇسىندى. سونىمەن قاتار, جەرتولە قاباتىندا اۆتوتۇراق, ءبىرىنشى قاباتتا كۇتۋ زالى, ەكىنشىسىندە كافە, ۆاليۋتا ايىرباستاۋ پۋنكتتەرى, كادەسىي دۇكەندەرى جانە تاعى باسقالارىن ورنالاستىرۋعا بولاتىنىن جەتكىزدى. ال, بەردىبەك ساپارباەۆ بۇل ۇسىنىستى قولدادى. ەندىگى جۇمىستار وسى باعىتتا جۇرگىزىلەدى.
جاڭارتىلعان وتكىزۋ پۋنكتىمەن تانىسۋ بارىسىندا بەردىبەك ساپارباەۆ پەن بەيبىت اتامقۇلوۆ ءتيىستى مەكەمەلەردىڭ «مەركى-شۋ-بۋرىلبايتال» اۆتوموبيل جولىنىڭ قۇرىلىسى تۋرالى ەسەپتەرىن تىڭدادى. قىتايلىق «China Xinxing Cjrporation Group» كومپانياسى كەلەسى جىلى جولدىڭ 95 شاقىرىمدىق بولىگىن اياقتاپ, جۇمىستىڭ قارقىنىن ارتتىرۋ ءۇشىن جولشىلار تاعى ءبىر اسفالت-بەتون زاۋىتىن ىسكە قوساتىن بولدى. كەزدەسۋدە بەيبىت اتامقۇلوۆ 11 كوپىر مەن جول وتكەلىنىڭ قۇرىلىسىنا ەرەكشە نازار اۋدارۋعا شاقىردى.
ال تاعى ءبىر مەردىگەر «ابك-اۆتودور نس» جاۋاپكەرشىلىگى شەكتەۋلى سەرىكتەستىگى باعىتتىڭ 167 شاقىرىمىن قۇرايتىن قۇرىلىس جانە جول جۇمىستارىنىڭ بارىسى تۋرالى حابارلادى. بۇل رەتتە جامبىل وبلىسىنىڭ اكىمى بەردىبەك ساپارباەۆ كومپانيالارعا جەرگىلىكتى تۇرعىندارعا, ەڭ الدىمەن حالىقتىڭ الەۋمەتتىك وسال توپتارىنا تۇراقتى تۇردە كومەك كورسەتۋ كەرەكتىگىن جەتكىزدى. سونداي-اق, اتالعان جول تولىقتاي جارىقتاندىرىلىپ, مالعا ارنالعان وتكەلدەردىڭ قاجەتتى سانىمەن قامتىلۋ قاجەتتىلىگىن ايتتى.
