ايماقتار • 31 جەلتوقسان، 2020

ورالدا 216 پاتەرلىك ءۇي پايدالانۋعا بەرىلدى

52 رەت كورسەتىلدى

ورال قالاسىندا 216 پاتەرلىك تۇرعىن ءۇي پاتەر كەزەگىندە تۇرعان ازاماتتارعا تاپسىرىلدى. جاڭا جىل قارساڭىندا قۋانىشقا كەنەلگەن تۇرعىندارعا پاتەر كىلتىن وبلىس اكىمى عالي ەسقاليەۆ سالتاناتتى جاعدايدا تابىس ەتتى، دەپ حابارلايدى Egemen.kz

جاڭا جىل قارساڭىندا ورال قالاسىنىڭ سولتۇستىك-شىعىس اۋدانىندا توعىز قاباتتى كوپپاتەرلى تۇرعىن ءۇي پايدالانۋعا بەرىلىپ، 216 جانۇيا جاڭا باسپاناعا قول جەتكىزدى. «نۇرلى جەر» مەملەكەتتىك باعدارلاماسى اياسىندا بوي كوتەرگەن كوپ قاباتتى تۇرعىن ءۇي باسپانا كەزەگىندە تۇرعان كوپ بالالى جانە مۇگەدەك بالا تاربيەلەپ وتىرعان وتباسىلارعا، جەتىم بالالارعا، الەۋمەتتىك تۇرعىدا از قامتىلعان جانۇيالارعا بەرىلدى.

جالپى اۋماعى 10 مىڭ شارشى مەتردەن اساتىن تۇرعىن ءۇيدىڭ جوبالىق قۇنى 1،8 ملرد تەڭگە. قۇرىلىستى جۇرگىزگەن سكف «وتدەلستروي» جشس ديرەكتورى ۆالەنتينا ميحنو ءۇيدىڭ قۇرىلىسى 2018 جىلى باستالعانىن، پاندەميا كەزىندە كەدەرگىلەرگە قاراماستان تەك ساپالى قۇرىلىس ماتەريالدارىنان سالىپ شىققانىن ايتادى. ساۋلەتتى ءۇي 144-ءى – ءبىر بولمەلى، 72-ءسى – ەكى بولمەلى پاتەردەن تۇرادى.

– بۇگىن ءبىز ءۇشىن كوپتەن كۇتكەن قۋانىشتى كۇن. پاتەر كەزەگىندە تۇرعانىمىزعا 6 جىل بولدى. ءار بالانىڭ نەسىبەسى بار دەيدى، بالالارىمنىڭ نەسىبەسى بۇگىنگى كۇنگە بۇيىرىپ تۇر ەكەن. ءبىز سياقتى باسپاناعا مۇقتاج بولعان وتباسىلارعا جاڭا جىلدا جاڭا پاتەر بۇيىرسىن دەپ تىلەيمىن، –وتباسى جاڭا ۇيدەن ەكى بولمەلى پاتەرگە يە بولعان.

 

سوڭعى جاڭالىقتار

نار نارىمبەتوۆ ەدى...

قازاقستان • كەشە

«وميكرون» شتامى وقشاۋلايدى

كوروناۆيرۋس • كەشە

پورترەتتەگى پاراسات

ەلباسى • كەشە

ۇقساس جاڭالىقتار