ءبىلىم • 31 جەلتوقسان، 2020

اقتوبەدە جاڭا مەكتەپ-گيمنازيا اشىلدى

48 رەت كورسەتىلدى

اقتوبە قالاسىنىڭ «نۇر-اقتوبە» شاعىن اۋدانىندا 900 ورىندىق جاڭا مەكتەپ-گيمنازيا پايدالانۋعا بەرىلدى,دەپ حابارلايدى Egemen.kz

ەندى ءۇشىنشى توقساننان باستاپ وسى ىقشام اۋداندا تۇراتىن وقۋشىلاردىڭ ءبىرازى جاڭا №78 مەكتەپ-گيمنازيانىڭ كەزەكشى سىنىپتارىندا وقۋعا ازىرلەنىپ جاتىر.

وبلىس اكىمى وڭداسىن ورازالين مەكتەپ-گيمنازيانىڭ اشىلۋ سالتاناتىندا تۇرعىنداردى كوپتەن كۇتكەن قۋانىشتارىمەن قۇتتىقتاي وتىرىپ، 900 ورىندىق جاڭا عيمارات «نۇر-اقتوبە» شاعىن اۋدانىنداعى ءۇش اۋىسىمدى وقۋ ماسەلەسىن شەشەتىنىنە سەنىم ءبىلدىردى.

ويتكەنى جاڭا ىقشام اۋداندا تۇرعىن ۇيلەردىڭ كوپتەپ سالىنىپ، جاس وتباسىلاردىڭ باسپانالى بولۋىمەن وسى اۋماقتاعى ەكى مەكتەپتە بالا سانى كۇرت كوبەيىپ، وقۋشىلار ءۇش اۋىسىمدا وقۋعا ءماجبۇر بولعان ەدى.

قازىرگى كەزدە قاشىقتان وقىتۋعا بايلانىستى وقۋشىلاردىڭ باسىم بولىگى ۇيلەرىندە وقىپ جاتىر. سول سەبەپتەن دە مەكتەپتەر جىلداعىداي بالا سانى سىيماي، وقۋ سىنىپتارى جەتپەي جاتقان جاعدايدى باستان كەشىرىپ وتىرعان جوق.

الداعى ۋاقىتتا كارانتين اياقتالىپ، وقۋشىلار مەكتەپكە قاراي اعىلسا، وسى كۇردەلى ماسەلە تاعى دا الدان شىعادى. اتشاپتىرىم سپورت زالى، كىتاپحانا، اسحانا، زاماناۋي وقۋ زالدارىمەن جابدىقتالعان ەكى قاباتتى جاڭا مەكتەپ-گيمنازيا وقۋشىلاردىڭ ساپالى ءبىلىم الۋى ءۇشىن جاسالعان جاقسى مۇمكىندىك ەكەنىن اتا-انالار دا ماقۇلداپ وتىر.

ءوڭىر باسشىسى ەكى قاباتتى ەڭسەلى عيمارات قۇرىلىسىن بيىلعى پاندەميانىڭ قيىندىقتارىنا قاراماستان ۋاقتىلى ءارى ساپالى تاپسىرعانى ءۇشىن «ينتەرستيل» جشس-ءنىڭ باسشىلىعىنا العىسىن جەتكىزدى. 

سوڭعى جاڭالىقتار

تەڭىز تۇيسىگى

ونەر • كەشە

اڭشىلىق – اسىل ونەر

رۋحانيات • كەشە

ۇقساس جاڭالىقتار