- كەلە جاتقان جاڭا جىلىڭ قۇتتى بولسىن! بۇل مەرەكە ساعان كوپ جاقسىلىق اكەلسىن! ءبىلىم جولىنداعى تالابىڭا نۇر جاۋسىن! قاڭاتىڭ تالماسىن! سەنىڭ ەلىن سۇيەتىن ۇلتجاندى ءارى سانالى ازامات بولىپ وسۋىڭە تىلەكتەسپىن. ارمان-مۇراتىنا جەتە بەر!, - دەپ ايتىلعان قۇتتىقتاۋ حاتتا.
ەرتەگىلەر الەمىنە ەنەتىن عاجايىپ كىتاپتار مەن سىي-سىياپاتتارعا يە بولعان شىمكەنتتىك كىشكەنتاي تۇرعىندار پرەزيدەنتىمىز قاسىم-جومارت توقاەۆقا جۇرەكجاردى العىستارى مەن تىلەكتەرىن جەتكىزدى.
پرەزيدەنت سىيلىعىن العان بالالاردى ءاربىر مەكتەپ جانىنان قۇرىلعان قامقورشىلىق كەڭەسى شەشتى. ول كەڭەسكە اتا-انالار, دەپۋتاتتار مەن كاسىپكەرلەر كىرەدى. كەڭەس مۇشەلەرى جەتىم بالالار, اتا-اناسىنىڭ قامقورلىعىنسىز قالعان بالالار, از قامتىلعان جانە كوپ بالالى وتباسىلاردان شىققان 200 وقۋشىنى ىرىكتەپ الىندى. ىرىكتەلگەن ءتىزىم ءبىلىم باسقارماسى جانىنان ارنايى قۇرىلعان كوميسسيانىڭ قاراۋىنان ءوتتى. كومميسسيا قۇرامىنا «ادالدىق الاڭى» وكىلدەرى, قوعام بەلسەندىلەرى جانە بلوگەرلەر ەندى. بۇدان بولەك, ءتىزىمدى جاساقتاۋ وتىرىسىنا قوعامدا بەلسەندىلىك تانىتىپ جۇرگەن كوپبالالى انالار باقىلاۋشى رەتىندە قاتىستى.
سىيلىق ۇلەستىرۋدە ومىرلىك قيىن جاعدايعا تۇسكەن وتباسىنىڭ بالالارى, مۇگەدەكتەر جانە اتا-انا قامقورلىعىسىز قالعان بۇلدىرشىندەرگە باسىمدىق بەرىلدى.
قالعان 196 بالاعا سىيلىقتارى پوچتا ارقىلى تابىستالدى.
مەرەكەلىك شارا ەپيدەميولوگيالىق-سانيتارلىق تالاپتار ەسكەرىلە وتىرىپ ۇيىمداستىرىلدى.
