ساپار بارىسىندا «ينفراەنەرگو» ەلەكتروتەحنيكا ونىمدەرىن شىعاراتىن كاسىپورىن ۇجىمىمەن كەزدەسىپ, پارتيانىڭ وڭىرلىك سايلاۋالدى باعدارلاماسىنىڭ نەگىزگى باسىمدىقتارى تالقىلاندى. Nur Otan الداعى 5 جىلدا وڭىردە 134 مىڭنان استام جۇمىس ورنىن اشۋدى, 31 مىڭ ورىندى قۇرايتىن 80 جاڭا مەكتەپ سالۋ ارقىلى ءۇشاۋىسىمدى وقۋ ماسەلەسىن شەشۋدى, 120 اۋىلدىڭ 190 مىڭ تۇرعىنىن ساپالى اۋىز سۋمەن قامتاماسىز ەتۋدى, 72 دەنساۋلىق ساقتاۋ نىسانىن, سونداي-اق 120 مىڭنان استام پاتەر سالۋدى جوسپارلاپ وتىر. سونداي-اق سايلاۋالدى شتاب مۇشەلەرى باق وكىلدەرىمەن, وتانداس-قانداستارمەن جانە جاستارمەن كەزدەستى.
الماتى وبلىسىنا ساپارى بارىسىندا Nur Otan پارتياسى توراعاسىنىڭ ءبىرىنشى ورىنباسارى باۋىرجان بايبەك بىرقاتار ازاماتتاردى قابىلدادى.
ماسەلەن, قابىلداۋدا نازەركە ابدىحالىقوۆا رايىمبەك اۋدانىندا ەمحانا سالۋ ماسەلەسىن كوتەرسە, شونجى اۋىلىنان كەلگەن كوپ بالالى انا زاعيرا الىمحودجاەۆا سالىنىپ جاتقان جالدامالى تۇرعىن ءۇي سانىن ارتتىرۋدى ءوتىندى. ال امانگەلدى شارىپقۇلوۆ ايتەي اۋىلى تۇرعىندارى ەلەكترمەن جابدىقتاۋ ماسەلەسىن شەشۋ جونىندەگى ءوتىنىشىن جەتكىزدى.
«ەلباسى, پارتيا ليدەرى نۇرسۇلتان نازارباەۆ اتاپ وتكەندەي, «ازاماتتارمەن ءاردايىم تىعىز بايلانىستا بولۋ – ءبىزدىڭ پارتيامىزعا كورسەتىلەتىن تاۋسىلماس حالىقتىق قولداۋدىڭ قاينار كوزى». جالپى, ۇگىت كەزەڭى باستالعاننان بەرى ءبىزدىڭ قوعامدىق قابىلداۋلارعا 56 مىڭنان استام ءوتىنىش ءتۇستى, ونىڭ ىشىندە 20 مىڭدايى – سايلاۋشىلاردىڭ ۇسىنىسى مەن اماناتى. كانديداتتار مەن سەنىم بىلدىرىلگەن تۇلعالار 7,3 مىڭ قابىلداۋ وتكىزدى. حالىق تاراپىنان تۇسكەن بارلىق ءوتىنىش پەن امانات ەرەكشە پارتيالىق باقىلاۋعا الىنادى», دەدى پارتيانىڭ رەسپۋبليكالىق سايلاۋالدى شتاب جەتەكشىسى.
پارتيانىڭ ءباسپاسوز قىزمەتىنىڭ حابارلاۋىنشا, ازاماتتاردى نەگىزىنەن الەۋمەتتىك ماسەلەلەر تولعاندىرادى. ماسەلەن, وتىنىشتەردىڭ 22 پايىزى الەۋمەتتىك قامتاماسىز ەتۋ جونىندە بولعان. سونداي-اق كەلىپ تۇسكەن وتىنىشتەردىڭ 12 پايىزى تۇرعىن ءۇي مەن جەر ۋچاسكەلەرىن بولۋگە ارنالعان. بۇدان بولەك, جۇمىسقا ورنالاستىرۋ جانە ەڭبەك داۋلارى (8 پايىز), دەنساۋلىق ساقتاۋ (6 پايىز), ءبىلىم بەرۋ (5 پايىز) ماسەلەلەرى بار.
ايتا كەتەرلىگى, Nur Otan پارتياسى تۇرعىنداردى تولعاندىرعان ماسەلەلەردى كەزەڭ-كەزەڭىمەن شەشۋدى جوسپارلاپ وتىر.
