«التىن گيۋبرەتاش ۋچاسكەسىنەن تابىلدى. زەرتتەۋلەر كورسەتكەندەي, تۇركيا اۋماعىنداعى جەراستى التىن الەۋەتى 6,5 مىڭ توننانى قۇرايدى. ال قازىرگى ۋاقىتتا وسى قورلاردان 1,5 مىڭ توننا وندىرۋگە بولادى. سونىمەن قاتار تەك قولجەتىمدى قورلاردىڭ قۇنى 405 ميلليارد دوللارعا باعالانادى. تۇركيا ەنەرگەتيكا جانە تاۋ-كەن سالاسىنداعى ۇلتتىق ساياساتىنىڭ جەمىسىن جيناي باستادى», دەپ جازادى باسىلىم.
قازىرگى ۋاقىتتا تۇركيادا 18 التىن ءوندىرۋشى كاسىپورىن جۇمىس ىستەيدى. 2001 جىلعا دەيىن ەلدە التىن وندىرىلمەگەن. العاش رەت ءوندىرۋ 2001 جىلى يزميردەگى وۆادجيك التىن كەنىشىندە باستالدى. 19 جىل ىشىندە مۇندا 340 توننا باعالى مەتالل ءوندىرىلدى.
بۇگىنگى تاڭدا تۇركيادا 15 ورتا, 18 شاعىن كەن ورنى جانە الەمدىك دەڭگەيدەگى ەكى كەن ورنى اشىلعان. ولاردىڭ ءبىرى – ەرزيندجاندا, ەكىنشىسى – ۋشاكتا.
