ءوڭىر باسشىسى الدىمەن وبلىستىڭ الەۋمەتتىك-ەكونوميكالىق دامۋ كورسەتكىشتەرىنە توقتالدى.
بيىل الەمدى شارپىعان پاندەميا قالىپتى تىرشىلىككە وزگەرىس ەنگىزگەنى انىق. دەگەنمەن دەر كەزىندە قابىلدانعان شەشىمدەر ارقاسىندا نەگىزگى باسىمدىققا يە سالالارداعى كورسەتكىشتەردىڭ تومەندەۋىنە جول بەرىلگەن جوق. 11 ايدىڭ قورىتىندىسى بويىنشا كورسەتكىشتەر كوڭىلدەن شىعادى, دەگەنمەن كەزدەسىپ وتىرعان كەمشىلىكتەر دە جوق ەمەس. ەسەپتى كەزەڭدە 2,5 پايىزدى قۇراعان ەكونوميكالىق ءوسىمدى جىل قورىتىندىسىمەن 3 پايىزعا جەتكىزۋگە ءۇمىت زور.
2020 جىلى بارشا الەم ەلدەرى سەكىلدى كوروناۆيرۋس قيىنشىلىقتارىمەن بەتپە-بەت كەلگەنىنە قاراماستان, ءوڭىر ەكونوميكاسىنداعى وڭ ديناميكانى ساقتالدى.
ء«بىز بۇل جىلدى الداعى اۋىقىمدى جوسپالارىمىزدىڭ بەرىك نەگىزى بولاتىنداي ەتىپ تۇيىندەۋ قاجەتپىز. كورسەتكىشتەر كەم دەگەندە ورتاشا رەسپۋبليكالىق دەڭگەيدەن تومەن بولماۋى ءتيىس. وڭ ديناميكاعا قاراماستان, كەيبىر تاپسىرمالاردىڭ ورىندالماۋ قاۋپى بار. قالعان كۇننىڭ ىشىندە 30 ميلليارد تەڭگەدەن استام قاراجاتتى يگەرۋ كەرەك», دەدى وبلىس اكىمى.
بۇعان دەيىن وتكەن كەڭەستە 11 ايداعى الەۋمەتتىك-ەكونوميكالىق دامۋدىڭ قورىتىندىلارى سارالانعان دەسەك, بۇل جولى جىلدىڭ بولجامدى كورسەتكىشتەرىنە نازار اۋدارىلدى. سونىمەن, ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى گۇلدانا جاۋىنبەكوۆانىڭ ايتۋىنشا, ونەركاسىپ 102 پايىزدى, اۋىل شارۋاشىلىعى - 104,3, قۇرىلىس - 105, پايدالانۋعا بەرىلگەن تۇرعىن ءۇي كولەمى - 107, ينۆەستيتسيا - 106 جانە بولشەك ساۋدا - 100,3 پايىزعا ورىندالعان. ونەركاسىپتىك ءوندىرىس كولەمى بويىنشا مەجە مەركى اۋدانىندا (95,7 پايىز) ورىندالماي قالۋ قاۋپى بار دەسەك, ال تارتىلعان ينۆەستيتسيا كولەمىندەگى كورسەتكىش شۋ (50%) جانە سارىسۋ اۋداندارىندا (60%) ايتارلىقتاي تومەن بولادى دەپ كۇتىلۋدە.
ال, قارجى باسقارمسىنىڭ باسشىسى روزا يساەۆانىڭ ايتۋىنشا, بيۋدجەتتىڭ كىرىستەرى 100,2%-عا ورىندالىپ, جوسپاردان تىس 157,2 ملن.تەڭگە تۇسكەن. جىل قورىتىندىسىمەن ول 104% كورسەتكىشكە جەتەدى دەپ كۇتىلۋدە.
21 جەلتوقسانداعى جاعداي بويىنشا بولىنگەن قاراجاتتىڭ 93,8 پايىزى يگەرىلگەن. 30,2 ميلليارد تەڭگە يگەرىلمەگەن دەسەك, ونىڭ 16,7 ميلليارد تەڭگەسى اۋداندار مەن تاراز قالاسىنا, 15 ميلليارد تەڭگە وبلىستىق باسقارمالارعا تيەسىلى.
تاراز قالاسىنىڭ اكىمى ايتقازى قارابالاەۆ قالعان قارجىنىڭ 25 جەلتوقساننان كەشىكپەي يگەرىلەتىنىنە سەندىردى. باسقا اكىمدەر مەن باسقارما باسشىلارى دا ماسەلەنىڭ شەشىلەتىنىن جەتكىزدى. ەڭ كەم دەگەندە, جىل قورىتىندىسىمەن كورسەتكىش 99,9 پايىزدى قۇراۋى ءتيىس.
«جىلدىڭ اياقتالۋىنا ساناۋلى كۇندەر قالدى, بارلىعى بەلسەندى جۇمىس ىستەۋى كەرەك. كەستە قۇرىلىپ, ونى قاتاڭ ساقتاۋ قاجەت. سوڭعى كۇندەرى ماسەلەلەردى شەشۋسىز قالدىرۋعا بولمايدى. ءبىز قاراجاتتى مىندەتتى تۇردە يگەرەمىز دەپ سۇراعانبىز. سوندىقتان ناتيجە كەرەك. ءبىز ءوز كورسەتكىشتەرىمىزدى رەسپۋبليكالىق كورسەتكىشتەرمەن بايلانىستىرامىز. اۋىل شارۋاشىلىعى كەم دەگەندە التى پايىزدىق ءوسىمدى كورسەتۋى ءتيىس. الەۋمەتتىك كومەك ءار مەكەن-جايعا جەتۋى كەرەك. ءبىز حالىققا جىلدى جاقسى ناتيجەلەرمەن اياقتايمىز دەپ ۋادە بەرگەنبىز. ءبىز سوزىمىزدە تۇرۋعا ءتيىسپىز», دەدى بەردىبەك ساپارباەۆ كەزدەسۋ سوڭىندا.
سونداي-اق, الەۋمەتتىك تولەمدەردى كەشىكتىرمەي, ۋاقىتىندا بەرىلۋى كەرەكتىگىن باسا ايتىپ ءوتتى.
