كەزدەسۋگە قاتىسۋشىلاردى «Nur Otan» پارتياسىنىڭ سايلاۋالدى باعدارلاماسىمەن تانىستىرعان ت.بالىقباەۆ ەلىمىزدى دامۋ بولاشاعىنا قاتىستى ماسەلەلەردى كوتەرە وتىرىپ, اگرارلىق سەكتوردى دامىتۋدا ىسكە اسىرىلاتىن ماڭىزدى ماقساتتار مەن باعىتتاردى اتاپ ءوتتى. ءبىلىم بەرۋ سالاسىنىڭ وكىلى رەتىندە پارتيانىڭ ءبىلىم مەن عىلىمدى دامىتۋدىڭ بارلىق باعدارلامالارى تۋرالى باياندادى.
سونداي-اق, پارتيا باعدارلاماسىنىڭ باسىم باعىتتارى ارقاشان قازاقستاننىڭ اۋىلدارىندا جايلى جانە قاۋىپسىز ءومىر ءسۇرۋ جاعدايلارىن قامتاماسىز ەتۋگە باعىتتالعانى جايىندا اتاپ ءوتتى. 2025 جىلعا قاراي 3500-دەن استام اۋىل جاڭعىرتىلاىپ, 27 مىڭ شاقىرىم جەرگىلىكتى جولدارى جوندەلەتىندىگى جايىنداعى جاعىمدى وزگەرىستەر بارىسىمەن بولىسە كەلە ت.بالىقباەۆ بۇل جوسپارلاردىڭ بارلىعى مەملەكەتتىك جانە جەكە كومپانيالاردىڭ قاتىسۋىمەن ورىندالاتىندىعىن جەتكىزدى.
«ولاردى نەعۇرلىم ءتيىمدى ىسكە اسىرۋ ءۇشىن جاستار باستامالارىن قولداۋ ماقساتىندا جاستار رەسۋرستىق ورتالىقتارى قۇرىلادى. بۇگىندە ءبىزدىڭ ازاماتتارىمىزدىڭ 40 پايىزدان استامى اۋىلدا تۇرادى. ولاردىڭ ەڭبەگىنىڭ ارقاسىندا قازاقستان ءوزىن ازىق-ت ۇلىكتىڭ نەگىزگى تۇرلەرىمەن قامتاماسىز ەتۋدە جانە اۋىل شارۋاشىلىعى ونىمدەرىنىڭ ءىرى ەكسپورتتاۋشىسى بولىپ تابىلادى. اۋىلداردىڭ الەۋەتىن ارتتىرۋ جانە اۋىل تۇرعىندارىنىڭ جاعدايىن جاقسارتۋ ءۇشىن بارلىق جاعدايلار جاسالادى. اۋىل شارۋاشىلىعىن عىلىمي ازىرلەمەلەرمەن قامتاماسىز ەتۋ ءۇشىن اگرارلىق عىلىمنىڭ ناقتى ماقساتتى ينديكاتورلارى جاسالادى. 2025 جىلعا قاراي حالىقتىڭ 99 پايىزى جوعارى جىلدامدىقتى ينتەرنەتكە قول جەتكىزە الاتىن بولادى.كەزدەسۋ بارىسىندا ۋنيۆەرسيتەتتىڭ كافەدرا مەڭگەرۋشىلەرى مەن قۇرىلىمدىق ءبولىم باسشىلارى تاراپىنان پارتيانىڭ سىبايلاس جەمقورلىق ساياساتى مەن ەرىكتىلەر قوزعالىسىنىڭ جۇمىسى جونىندەگى سايلاۋالدى باعدارلاماسىن ىسكە اسىرۋ بويىنشا كوپتەگەن ماڭىزدى ۇسىنىستار ايتىلدى. «Nur Otan» پارتياسى وزەكتى ماسەلەلەر مەن ەل دامۋىنىڭ ماسەلەلەرىن شەشۋگە ازاماتتىق بەلسەندىلەردى بەلسەندى تۇردە قاتىستىرادى. ءوز تاراپىمىزدان ەرىكتىلەر قوزعالىسىنا بەلسەندى قولداۋ كورسەتەمىز», دەپ اتاپ ءوتتى ۋنيۆەرسيتەت رەكتورى.
