20 جەلتوقسانداعى قازاقستانداعى ەپيدەميولوگيالىق جاعدايدى باعالاۋ ماتريتساسىنىڭ دەرەكتەرى بويىنشا «قىزىل» ايماقتا تەك اتىراۋ وبلىسى تۇر. ايماق وعان 16 جەلتوقساندا كىردى.
«سارى» ايماقتا ءتورت وبلىس بار: قوستاناي, اقمولا, پاۆلودار, سولتۇستىك قازاقستان.
نۇر-سۇلتان, الماتى, شىمكەنت قالاسى مەن باسقا دا وبلىستار «جاسىل» ايماققا كىرەدى.
وتكەن تاۋلىكتە قازاقستاندا 652 ادام كوروناۆيرۋس ينفەكتسياسىن جۇقتىردى. ەڭ كوپ ناۋقاس پاۆلودار جانە اتىراۋ وبلىستارىندا تىركەلدى. التى ناۋقاس COVID-19 ينفەكتسياسىنان قايتىس بولدى. قازىرگى ۋاقىتتا 25 350 ادام كوروناۆيرۋستان ەم قابىلداپ جاتىر.
پاندەميا باستالعاننان بەرى قازاقستاندا 146 584 ادام كوروناۆيرۋس جۇقتىردى.
وتكەن تاۋلىكتە قازاقستاندا 25 ادام كوروناۆيرۋس بەلگىلەرى بار پنەۆمونياعا شالدىقتى. ءبىرىنشى تامىزدان باستاپ قازاقستاندا 44 مىڭنان استام ادام كوروناۆيرۋس بەلگىلەرى بار پنەۆمونيامەن اۋىردى.
