مەديتسينا • 20 جەلتوقسان، 2020

وتاندىق عالىم كوروناۆيرۋسقا قارسى ۆاكتسينا تۋرالى مالىمدەمە جاسادى

1049 رەت كورسەتىلدى

قازاقستاننىڭ پروفيلاكتيكالىق مەديتسينا اكادەمياسىنىڭ پرەزيدەنتى الماز شارمان الماتى قالاسىنىڭ وڭىرلىك كوممۋنيكاتسيالار قىزمەتىنە بەرگەن سۇحباتىندا COVID-19 ۆاكتسيناسىنىڭ جەتىستىكتەرى تۋرالى ايتتى، دەپ حابارلايدى Egemen.kz.

شارمان پاندەميانىڭ 2021 جىلدىڭ ورتاسىندا نەمەسە سوڭىندا اياقتالۋى مۇمكىن ەكەنى تۋرالى ساراپشىلاردىڭ دەرەگىن كەلتىردى. ونى ءتيىمدى ءجانى قاۋىپسىز ۆاكتسينالاردى دايىنداۋمەن بايلانىستىرادى، الەمدە مۇنداي ۆاكتسينالاردى جاساۋ ءۇشىن ەكى جۇزگە جۋىق زەرتحانا جۇمىس ىستەپ جاتقانىن ايتىپ ءوتتى.

«كوروناۆيرۋسقا قارسى Pfizer/BioTech جانە Moderna كومپانياسىنىڭ ۆاكتسيناسى جاقىندا سىناقتان ءساتتى ءوتتى. ولاردىڭ تيىمدىلىگى 95 پايىزدان اسقان. بۇل وتە جوعارى كورسەتكىش. ەكى ۆاكتسينا ماتريتسالىق رنك-نىڭ ەڭ زاماناۋي تەحنولوگياسىنا نەگىزدەلگەن. ونىڭ باستى ەرەكشەلىگى تەك انتيدەنەلەردىڭ بولىنۋىنە عانا ەمەس ءارى جاسۋشالىق يممۋندىق اسەرىنە دە ىقپال ەتەدى»، دەدى ول.

ايتۋىنشا، 2021 جىلى بىرنەشە ميلليارد دوزادا ءتۇرلى ۆاكتسينالار وندىرىلەدى. 

پروفەسسور ۆاكتسينالار ادامزاتقا پاندەميادان قورعايتىن يممۋنولوگيالىق قاباتتى قالىپتاستىرۋعا كومەكتەسەتىنىن ايتتى. الايدا اعزادا كوروناۆيرۋسقا قارسى بەيتاراپ انتيدەنەلەردىڭ قانشالىقتى ۇزاق ساقتالاتىنى جانە ادامنىڭ قانشا ۋاقىتقا يممۋنيتەتكە يە بولاتىنى ءالى دە بەلگىسىز. سوعان بايلانىستى كەيبىر جاسالىپ جاتقان ۆاكتسينالار ەكى نەمەسە ودان دا كوپ ەكپەنى قاجەت ەتۋى مۇمكىن.

سوڭعى جاڭالىقتار

جەتى ءتۇرلى ءسوز

ادەبيەت • كەشە

انتىنا ادال ازامات

قازاقستان • كەشە

ەلوردا كۇنىنە تارتۋ

تەاتر • كەشە

ۇقساس جاڭالىقتار