ماڭعىستاۋداعى بەلگىلى كەن ورنىنىڭ ءبىرى – دوڭعا. قازىرگى تاڭدا وسى وڭىردە «Maersk Oil» كومپانياسى «پارتەكس» جانە «ومان ويل كامپاني ليميتەد» كومپانيالارىمەن بىرگە دوڭعا جوباسىن جۇرگىزۋدە. ولار جەرگىلىكتى تۇرعىنداردىڭ ومىرىنە الەۋمەتتىك تۇرعىدا كومەك بىلدىرۋگە, اسىرەسە, مۇمكىندىگى شەكتەۋلى جاندارعا قولداۋ كورسەتۋگە اتسالىسا باستادى.
ماڭعىستاۋداعى بەلگىلى كەن ورنىنىڭ ءبىرى – دوڭعا. قازىرگى تاڭدا وسى وڭىردە «Maersk Oil» كومپانياسى «پارتەكس» جانە «ومان ويل كامپاني ليميتەد» كومپانيالارىمەن بىرگە دوڭعا جوباسىن جۇرگىزۋدە. ولار جەرگىلىكتى تۇرعىنداردىڭ ومىرىنە الەۋمەتتىك تۇرعىدا كومەك بىلدىرۋگە, اسىرەسە, مۇمكىندىگى شەكتەۋلى جاندارعا قولداۋ كورسەتۋگە اتسالىسا باستادى.
جۋىردا ولار اقتاۋ قالاسىنداعى ەرەكشە قاجەتتىلىكتەرى بار بالالارعا ارنايى كولىك ساتىپ الۋعا 35 000 اقش دوللارىن ءبولدى. اتالمىش ساناتتاعى بالالاردىڭ اتا-انالارى باستاماسىمەن قۇرىلعان «زدوروۆە دەتيام» ۇيىمىنىڭ حاتىنا جاۋاپ رەتىندە بەرىلگەن كولىك بالالاردى ۇيلەرىنەن مەديتسينالىق مەكەمەلەرىنە, قالا سىرتىنا دەمالىسقا اپارۋعا جانە جەرگىلىكتى ات شارۋاشىلىعىنا تەراپيا الۋ ءۇشىن بارۋعا تاسىمالدايدى.
– جەرگىلىكتى قوعامنىڭ دەنساۋلىعى جانە قاۋىپسىزدىگى «Maersk Oil» كومپانياسىنىڭ الەۋمەتتىك جارناسىنىڭ باسىم باعىتتارىنىڭ ءبىرى بولىپ تابىلادى. بيىل جازدا ءبىزدىڭ كومپانيا اقشۇقىر اۋىلىندا ەمحانا سالۋعا 850 000 اقش دوللارىن ينۆەستيتسيالادى. مۇمكىندىگى شەكتەۋلى جانە ساۋ بالالار ءبىر-بىرىمەن تەڭ دەپ سانايمىز, ولار قالىپتى, بەلسەندى ءومىر سۇرۋلەرى كەرەك. ءبىز ءوڭىر تۇرعىندارىنىڭ دەنساۋلىعى مەن قاۋىپسىزدىگىنە قاتىستى جوبالاردى قولداۋدى جالعاستىرامىز, – دەدى «ماەرسك ويل قازاقستان» كومپانياسىنىڭ باسقارۋشى ديرەكتورى مورتەن كەلسترۋپ كولىكتى تاپسىرىپ تۇرىپ.
وسىلايشا, 2007 جىلى قۇرىلعان ەرەكشە قاجەتتىلىكتەرى بار بالالارعا ساۋىقتىرۋ مەن سوتسيۋمعا بەيىمدەلۋ جايىندا كومەك كورسەتۋگە ارنالعان قور كولىكتى بولدى. قورعا تىركەلگەن نەۆرولوگ, كارديولوگ, لوگوپەد, اللەرگولوگ, پسيحولوگ سەكىلدى مەديتسينا ماماندارىنان ەم الاتىن 286 بالانىڭ 10 پايىزى مۇگەدەكتەر ارباسىن قولدانادى ەكەن.
گۇلايىم شىنتەمىرقىزى,
«ەگەمەن قازاقستان».
ماڭعىستاۋ وبلىسى.
