ءماجىلىس دەپۋتاتتارى, «نۇر وتان» پارتياسى فراكتسياسىنىڭ مۇشەلەرى مايرا ايسينا, نۇرتاي سابيليانوۆ جانە جالعاس دۇيسەنعاليەۆ اتىراۋ قالاسىنداعى اگرارلىق-تەحنيكالىق كوللەدج ۇجىمىمەن جانە ستۋدەنت جاستارمەن كەزدەسۋ وتكىزدى.
ءماجىلىس دەپۋتاتتارى, «نۇر وتان» پارتياسى فراكتسياسىنىڭ مۇشەلەرى مايرا ايسينا, نۇرتاي سابيليانوۆ جانە جالعاس دۇيسەنعاليەۆ اتىراۋ قالاسىنداعى اگرارلىق-تەحنيكالىق كوللەدج ۇجىمىمەن جانە ستۋدەنت جاستارمەن كەزدەسۋ وتكىزدى.
دەپۋتاتتار جاستارعا بەسىنشى شاقىرىلىمنىڭ ءۇشىنشى سەسسياسىندا اتقارىلعان دەپۋتاتتىق جۇمىستار جايىندا جانە مەملەكەت باسشىسىنىڭ «قازاقستان-2050» ستراتەگياسىندا ناقتىلانعان ءمىندەتتەردى ورىنداۋدى زاڭنامامەن قامتاماسىز ەتۋى تۋرالى ايتىپ بەردى.
* * *
ءماجىلىس دەپۋتاتتارى ۇسەنگەلدى مەدەۋوۆ, باقىتبەك سماعۇل جانە سەرىك سەيدۋمانوۆ تاراز قالاسىندا سايلاۋشىلارمەن كەزدەسۋلەر وتكىزدى.
دەپۋتاتتار «تاراز ارەنا» سپورت كەشەنىندە بولىپ تاراز قالاسىنداعى جاستاردىڭ تىنىس-تىرشىلىگىمەن تانىستى. 300 ادامعا ارنالعان جاڭادان سالىنعان اۋرۋحانانىڭ جۇمىسىمەن تانىسىپ, وبلىستىق جانە قالالىق باستاۋىش پارتيا ۇيىمدارى جەتەكشىلەرىمەن, «جاس وتان» جق بەلسەندىلەرىمەن كەزدەسۋ وتكىزدى. كەزدەسۋدە دەپۋتاتتار ەلباسىنىڭ سارابدال ساياساتى تۋرالى بايان ەتىپ, پارتيا جۇمىسىنا بەلسەنە ارالاسقان بىرنەشە پارتيا بەلسەندىسىن «نۇر وتان» پارتياسى تاراز قالالىق فيليالىنىڭ قۇرمەت گراموتاسىمەن ماراپاتتادى, پارتيا قاتارىنا 5 ادامدى قابىلداۋ سالتاناتى ءوتتى.
* * *
ءماجىلىس دەپۋتاتتارى ءۋاليحان بيشىمباەۆ پەن ومارحان وكسىكباەۆ قورقىتاتا اتىنداعى قىزىلوردا مەملەكەتتىك ۋنيۆەرسيتەتىنىڭ وقىتۋشى-پروفەسسورلارىمەن جانە ستۋدەنتتەرىمەن كەزدەستى.
جيىن بارىسىندا ۋ.بيشىمباەۆ «ەلباسى ن.ءا.نازارباەۆ «قازاقستان-2050» ستراتەگياسىندا ءبىلىم بەرۋ, كاسىبي بىلىكتىلىك, كادرلار دايارلاۋ جانە عىلىمدى دامىتۋدىڭ جاڭا مىندەتتەرىن ايقىنداپ بەردى. بۇگىندە بىلىكتى عالىمداردى مەملەكەت تاراپىنان قولداۋعا قاتىستى جۇمىستار جاسالىپ جاتىر», – دەدى. سونداي-اق, اعا بۋىننىڭ بۇگىنگى جاستارعا ارتار سەنىمى مول ەكەنىن تىلگە تيەك ەتتى.
و.وكسىكباەۆ ءوز كەزەگىندە بەسىنشى شاقىرىلىمنىڭ ءۇشىنشى سەسسياسىندا اتقارىلعان دەپۋتاتتىق جۇمىستار جايىندا ايتىپ بەردى.
كەزدەسۋ سوڭىندا قاتىسۋشىلار حالىق قالاۋلىلارىمەن ەركىن پىكىر الماسىپ, وي ءبولىستى.
* * *
ءماجىلىس دەپۋتاتى ۇلاسبەك سادىبەكوۆ سارىاعاش اۋدانى جاستارىمەن وتكەن كەزدەسۋدە پالاتانىڭ وسى ۋاقىتقا دەيىن اتقارعان جۇمىسى مەن ەلباسى قولداۋىمەن ەلىمىزدە جۇزەگە اسىرىلىپ جاتقان جاستار ساياساتى جونىندە كەڭىنەن اڭگىمەلەدى.
جاستارمەن پىكىر الماسۋ بارىسىندا ولاردى ەركىن وي بىلدىرۋگە, جاستاردى تولعاندىرىپ جۇرگەن ماسەلەلەردى ورتاعا سالۋدا بەلسەندى بولۋعا شاقىردى. ناتيجەسىندە كەزدەسۋ سۇراق-جاۋاپ پىشىنىندە ءوتىپ, جاستاردىڭ ءتۇرلى سۇراقتارىنا تولىققاندى جاۋاپ بەرىلدى.
* * *
ءماجىلىس دەپۋتاتى, «نۇر وتان» مۇشەسى اباي تاسبولاتوۆ قوستاناي وبلىسىندا بولىپ, ەلباسىنىڭ قازاقستان حالقىنا ارناعان جولداۋىنداعى ەلىمىزدىڭ الدىنا قويعان وزەكتى دەگەن ماسەلەلەرىن حالىققا ءتۇسىندىرۋ ماقساتىندا كەزدەسۋلەر وتكىزدى.
دەپۋتات قوستاناي وبلىسىنىڭ اكىمى ن.ءسادۋاقاسوۆپەن دە كەزدەسىپ, «نۇر وتان» پارتياسى قوستاناي وبلىستىق فيليالىنىڭ قوعامدىق قابىلداۋ بولمەسىندە ازاماتتاردى جەكە ماسەلەلەرىمەن قابىلدادى. دەپۋتات, سونداي-اق, «نۇر وتان» پارتياسى وبلىستىق فيليالىنىڭ قىزمەتكەرلەرىمەن, قالالىق ءماسليحات دەپۋتاتتارىمەن, ۇلى وتان سوعىسى جانە تىل ارداگەرلەرىمەن, اۋعانستان سوعىسىنا قاتىسۋشىلارمەن, ءوڭىر جاستارىمەن كەزدەسۋ وتكىزدى. قورعانىس ىستەرى دەپارتامەنتىندە بولىپ, وندا جۇمىس اتقاراتىن اسكەري قىزمەتكەرلەرمەن جۇزدەستى.
* * *
ءماجىلىس دەپۋتاتتارى, «نۇر وتان» پارتياسى فراكتسياسىنىڭ مۇشەلەرى سەرىك وسپانوۆ پەن قۇتتىقوجا ىدىرىسوۆ ماڭعىستاۋ وبلىسىنداعى «اقتاۋ حالىقارالىق تەڭىز-ساۋدا پورتىندا» كەزدەسۋ وتكىزدى.
ءماجىلىس دەپۋتاتتارى پورت جۇمىسىمەن تانىسىپ, كەمە ايالدايتىن ورىندا ۇجىم جۇمىسشىلارىمەن جۇزدەستى. ولار پارلامەنت ءماجىلىسىنىڭ بەسىنشى شاقىرىلىمىنىڭ ءۇشىنشى سەسسياسىندا اتقارىلعان دەپۋتاتتىق جۇمىستار جايىندا جانە مەملەكەت باسشىسىنىڭ «قازاقستان-2050» ستراتەگياسىندا ناقتىلانعان مىندەتتەردى ورىنداۋدى زاڭنامامەن قامتاماسىز ەتۋ تۋرالى ايتىپ بەردى.
* * *
ءماجىلىس دەپۋتاتتارى, «نۇر وتان» پارتياسى فراكتسياسىنىڭ مۇشەلەرى پاۆلودار قالاسىندا «جاس وتان» جاستار قاناتىنىڭ بەلسەندىلەرىمەن كەزدەستى.
بۇل دەپۋتاتتىق توپتا پالاتانىڭ الەۋمەتتىك مادەني-دامۋ كوميتەتىنىڭ مۇشەلەرى ايگۇل نۇركينا, مەيرام بەگەنتاەۆتار, ەكولوگيا ماسەلەلەرى جانە تابيعات پايدالانۋ كوميتەتىنىڭ مۇشەسى اندرەي بەگەنەەۆ بار.
كەزدەسۋدە مەملەكەتتىك جاستار ساياساتى تۋرالى, جاستاردىڭ بويىندا ەكولوگيالىق مادەنيەت قالىپتاستىرۋ, جاستار ۇيىمىنىڭ جۇمىسىن جانداندىرۋ جايىندا اڭگىمەلەر ايتىلدى. «جاس وتان» جاستار قاناتىنىڭ بەلسەندىلەرى ءوز كەزەگىندە ەلباسىنىڭ «نۇر وتان» پارتياسىنىڭ حV سەزىندە جاستاردىڭ الدىنا قويعان مىندەتتەردىڭ وبلىستا ورىندالۋى جايىنا توقتالدى.
