كەشە استانادا ەكسپو-2017 بۇكىلالەمدىك مامانداندىرىلعان كورمەسىن وتكىزۋگە دايىندىق بارىسى بويىنشا ءبىر جىل ىشىندە اتقارىلعان جۇمىس قورىتىندىسى تۋرالى ءباسپاسوز ءماسليحاتى بولىپ ءوتتى. وعان ەكسپو-2017 بۇكىلالەمدىك مامانداندىرىلعان كورمەسىنىڭ كوميسسارى, سىرتقى ىستەر ءمينيسترىنىڭ ءبىرىنشى ورىنباسارى ءراپىل جوشىباەۆ جانە «استانا ەكسپو-2017» ۇك» اق باسقارما توراعاسى تالعات ەرمەگياەۆ قاتىستى.
كەشە استانادا ەكسپو-2017 بۇكىلالەمدىك مامانداندىرىلعان كورمەسىن وتكىزۋگە دايىندىق بارىسى بويىنشا ءبىر جىل ىشىندە اتقارىلعان جۇمىس قورىتىندىسى تۋرالى ءباسپاسوز ءماسليحاتى بولىپ ءوتتى. وعان ەكسپو-2017 بۇكىلالەمدىك مامانداندىرىلعان كورمەسىنىڭ كوميسسارى, سىرتقى ىستەر ءمينيسترىنىڭ ءبىرىنشى ورىنباسارى ءراپىل جوشىباەۆ جانە «استانا ەكسپو-2017» ۇك» اق باسقارما توراعاسى تالعات ەرمەگياەۆ قاتىستى.
بۇگىنگى ءباسپاسوز ءماسليحاتىن وتكىزۋگە سەبەپ بولىپ وتىرعان باستى ماسەلە, جاقىندا پاريجدە حالىقارالىق كورمەلەر بيۋروسى (حكب) باس اسسامبلەياسىنىڭ 154-ءشى سەسسياسى بولىپ ءوتتى. قازاقستان وسى سەسسياعا استانادا وتەتىن ەكسپو-2017-ءنىڭ قۇجاتتارىن تاپسىردى. 2014 جىلدىڭ ماۋسىمىندا وسى قۇجاتتار بويىنشا حكب-دا ارناۋلى تىركەۋ وتكىزىلەدى. تىركەۋدەن وتكەننەن كەيىن ءبىزدىڭ ەلىمىزگە كورمە وتكىزۋ جونىندەگى ەكسپو-2017-ءنىڭ ارناۋلى تۋى تاپسىرىلادى. تەك سودان كەيىن عانا قازاقستان شەتەلدەرمەن تىكەلەي بايلانىستارعا شىعىپ, ەكسپو-2017 كورمەسىن وتكىزۋ شارالارىن ءىس جۇزىنە اسىرا باستايدى. ءباسپاسوز ءماسليحاتىندا باق وكىلدەرى ەكسپو-2017 دايىندىق بارىسىندا ءبىر جىل ىشىندە اتقارىلعان جۇمىستارمەن جان-جاقتى تانىستى.
قازىرگى تاڭدا ەكسپو-2017 كورمەسىنە دايىندىق جۇرگىزۋ ءۇشىن ارنايى ون جۇمىس شتابى قۇرىلعان. «استانا ەكسپو-2017» ۇك» اق جانىندا كورمە وبەكتىلەرىن سالۋ جانە ونىڭ ينفراقۇرىلىمىن دامىتۋ شتابى جۇمىس ىستەيدى. سونىمەن بىرگە, قالا ينفراقۇرىلىمىن دامىتۋ ءجانە جاڭا نىسانداردى سالۋ ءجونىندەگى شتاب قۇرىلدى. بۇل شتاب قالالىق اكىمدىكتە قۇرىلعان «ەكسپو-2017» كورمەسىنە دايىندىق جۇرگىزۋ جانە ونى وتكىزۋ ديرەكتسياسى» جشس-نا قارايدى. ال بالاما ەنەرگيا كوزدەرىن پايدالانۋ, دامىتۋ ءجانە ينۆەستيتسيا تارتۋ, تۋريزم ينفراقۇرىلىمىن دامىتۋ باعىتىنداعى جۇمىستار يندۋستريا جانە جاڭا تەحنولوگيالار مينيسترلىگى جانىنان قۇرىلعان شتابقا جۇكتەلگەن.
استانادا وتەتىن كورمەگە شەتەلدەردى تارتۋ ماسەلەسى بويىنشا ارنايى جۇمىس توبى قۇرىلدى. بۇل توپتىڭ نەگىزگى مىندەتى – شەت مەملەكەتتەردە قازاقستان يميدجىن قالىپتاستىرۋ, ءتۋريزمدى دامىتۋ جانە جەرگىلىكتى جەردەن كەلگەن قوناقتاردى كورمەگە تارتۋ, ولارمەن جۇمىس جۇرگىزۋ بولىپ تابىلادى, دەدى ر.جوشىباەۆ ءوز سوزىندە. بەلگىلەنگەن وسى شارالار اياسىندا جىل ىشىندە «استانا ەكسپو-2017» كورمەسى اۆستريادا, ۇلىبريتانيادا, گەرمانيادا, يتاليادا, قىتايدا, لاتۆيادا, وڭتۇستىك كورەيادا, فرانتسيادا تانىستىرىلدى.
«استانا ەكسپو-2017» ۇك» اق باسقارما توراعاسى تالعات ەرمەگياەۆ, 2014 جىلدىڭ جازىندا كورمەنىڭ قۇرىلىسىن باستايمىز. ارينە, الدا تۇرعان مىندەتتەر ۇلكەن, جاۋاپكەرشىلىك زور. وسى رەتتە ايتارىم ەكسپو-2017 – ۇلتتىق جوبا بولعاندىقتان قازاقستاندىق ازاماتتاردىڭ دايىندىق جۇمىستارىنا بەلسەندىلىك تانىتىپ, بىلەك سىبانا ارالاسۋى حالىقارالىق كورمەنىڭ ءساتتى ءوتۋىنىڭ كەپىلى بولسا كەرەك. ءبىز ءوز كەزەگىمىزدە ەكسپو-2017 كورمەسى مەن قازاق ەلىن بۇكىل الەمگە جوعارى دەڭگەيدە كورسەتۋگە بار كۇش-جىگەرىمىزدى سالامىز, دەپ اتاپ كورسەتتى.
كەلەسى جىلى ەكسپو-2017 كورمەسى حكب-نىڭ ارناۋلى ءتىركەۋىنەن وتكەننەن كەيىن كورمە قالاشىعىندا قۇرىلىس جۇمىستارى جان-جاقتى جۇرگىزىلە باستايدى. ءۇش جىل ىشىندە بۇل اۋماقتا 1 ميلليون شارشى مەتردەن استام قۇرىلىس نىساندارى سالىنۋعا ءتيىس. كورمە قالاشىعىنىڭ ەسكيز جوباسى بويىنشا بايقاۋدىڭ جەڭىمپازى اتانعان امەريكالىق كومپانيا ءوزىنىڭ يدەيالارىن ءىس جۇزىنە اسىرۋ ءۇشىن قۇرىلىس سالاسىندا وزىق تەحنولوگيالاردى يگەرگەن الەمدىك تاجىريبەلى كومپانيالاردى تارتادى. ال كورمە قالاشىعىنداعى قۇرىلىس كولەمىنىڭ باسىم ءبولىگىن, 60-70 پايىز نىساندارىن قازاقستاندىق قۇرىلىس كومپانيالارى سالاتىن بولادى.
ءباسپاسوز ءماسليحاتى بارىسىندا ونى وتكىزۋشىلەر جۋرناليستەر تاراپىنان قويىلعان كوپتەگەن سۇراقتارعا جاۋاپ بەردى.
جىلقىباي جاعىپار ۇلى,
«ەگەمەن قازاقستان».
