ەلباسى ن.ءا.نازارباەۆتىڭ 2012 جىلعى 27 قاڭتارداعى «الەۋمەتتىك-ەكونوميكالىق جاڭعىرتۋ – قازاقستان دامۋىنىڭ باستى باعىتى» جولداۋىندا بەرىلگەن تاپسىرمانى ورىنداۋ ماقساتىندا «ورلەۋ» بىلىكتىلىكتى ارتتىرۋ ۇلتتىق ورتالىعى» اكتسيونەرلىك قوعامى قۇرىلعان بولاتىن.
ەلباسى ن.ءا.نازارباەۆتىڭ 2012 جىلعى 27 قاڭتارداعى «الەۋمەتتىك-ەكونوميكالىق جاڭعىرتۋ – قازاقستان دامۋىنىڭ باستى باعىتى» جولداۋىندا بەرىلگەن تاپسىرمانى ورىنداۋ ماقساتىندا «ورلەۋ» بىلىكتىلىكتى ارتتىرۋ ۇلتتىق ورتالىعى» اكتسيونەرلىك قوعامى قۇرىلعان بولاتىن.
ورتالىق قۇرىلعاننان بەرگى ءبىر جىلدا فيليالداردى قارجىلاندىرۋ كولەمى بىرنەشە ەسەگە ارتىپ, ماتەريالدىق-تەحنيكالىق بازا تۇگەلدەي جاڭارتىلدى, كادرلىق الەۋەتى كۇشەيتىلدى. وسى ۋاقىت ىشىندە «ورلەۋ» فيليالدارى ءوزارا تاجىريبە الماسىپ, ورتاق ستراتەگيالىق دامۋ باعدارلارىن ايقىنداۋعا, سول ارقىلى پەداگوگتاردىڭ بىلىكتىلىگىن ارتتىرۋ جۇيەسىن جەتىلدىردى.
تاجىريبەلى ۇستاز, پەداگوگيكا عىلىمدارىنىڭ دوكتورى, پروفەسسور گ.احمەتوۆا جەتەكشىلىك ەتەتىن «ورلەۋ» اق ورتامەرزىمدىك پەرسپەكتيۆالاردى انىقتاۋ ماقساتىندا «ءبىلىم تۋرالى» زاڭنىڭ جانە ءبىلىم بەرۋدى دامىتۋدىڭ مەملەكەتتىك باعدارلاماسى قاعيداتتارىنا سايكەس, 2012-2016 جىلدارعا ارنالعان ستراتەگيالىق ءىس-قيمىل جوسپارىن جاسادى. ال ورتالىقتىڭ قاراعاندى فيليالى ءوز قىزمەتىن وسى جوسپارعا بايلانىستى ۇيىمداستىرىپ وتىر.
«ورلەۋ» اق فيليالى, بولىپ تابىلاتىن قاراعاندى وبلىسى بويىنشا پەداگوگيكالىق قىزمەتكەرلەردىڭ بىلىكتىلىگىن ارتتىرۋ ينستيتۋتى مەملەكەتتىك تاپسىرىس بويىنشا ءۇش باعىتتا پەداگوگتاردىڭ بىلىكتىلىگىن ارتتىرادى: ولار – ەكى اپتالىق قىسقا مەرزىمدى, كەمبريدج ۋنيۆەرسيتەتىنىڭ قاتىسۋىمەن جاسالعان دەڭگەيلىك, ەلەكتروندىق وقىتۋ جۇيەسىن (E-learning) ەنگىزۋ بويىنشا پەداگوگتاردىڭ بىلىكتىلىكتى ارتتىرۋ كۋرستارى.
بۇگىنگى تاڭدا وقىتۋشىلاردىڭ 28%-ى عىلىمي دارەجەلى ماماندار (ونىڭ ىشىندە 1 عىلىم دوكتورى, 11 عىلىم كانديداتى, 3 دوتسەنت). ماماندارىمىزعا ۇنەمى بىلىكتىلىكتى ارتتىرۋ كۋرستارىنان ءوتىپ, ءتۇرلى عىلىمي كونفەرەنتسيالار مەن سەمينارلارعا, ۆەبينارلارعا قاتىسۋ ارقىلى كاسىبي جانە تۇلعالىق دامۋى ءۇشىن قاجەتتى جاعداي جاسالىپ وتىر. كەيىنگى جارتى جىلدىڭ ىشىندە فيليالدىڭ 40-تان استام وقىتۋشىسى مەن قىزمەتكەرى حالىقارالىق كونفەرەنتسيالارعا, سەمينارلارعا قاتىستى. ال ەكى وقىتۋشى شەتەلدىڭ (وڭتۇستىك كورەيا, سينگاپۋر), 25-ءى قازاقستاننىڭ (استانا, الماتى, اقتوبە, كوكشەتاۋ, قوستاناي قالالارى) عىلىمي, ءبىلىم بەرۋ ورتالىقتارىندا تاعىلىمدامادان ءوتتى. جىل اياعىنا دەيىن تاعى 13 وقىتۋشى انگليانىڭ, فرانتسيانىڭ, رەسەيدىڭ, وڭتۇستىك كورەيانىڭ جانە اۆستراليانىڭ جەتەكشى ءبىلىم بەرۋ ۇيىمدارىندا بىلىكتىلىكتەرىن جەتىلدىرمەك. 12 جاس ماماننىڭ بيىلعى جىلى ماگيستراتۋرا ارقىلى ءبىلىمىن جالعاستىرۋعا مۇمكىندىك الۋى – ولاردىڭ ءوز كاسىبي دەڭگەيىن وسىرۋگە مۇددەلى ەكەندىگىن كورسەتەدى.
مۇعالىمدەردى ءومىر اعىمىنان قالدىرماي, قوعام سۇرانىسىنا ءسايكەس ءبىلىمىن جەتىلدىرەتىن «ورلەۋ» اق مەن ونىڭ فيليالى – قاراعاندى ينستيتۋتىندا ەلباسى جولداۋلارىندا ايتىلعان تاپسىرمالار مەن قازاقستان رەسپۋبليكاسىندا ءبىلىم بەرۋدى دامىتۋدىڭ 2011-2020 جىلدارعا ارنالعان مەملەكەتتىك باعدارلاماسىنىڭ نەگىزگى باسىمدىقتارىن جۇزەگە اسىرۋدا جاسالىپ جاتقان جۇمىستاردىڭ ءبىر پاراسى وسىنداي.
ساۋلەش مۇقانوۆا,
«ورلەۋ» اق فيليالى – قاراعاندى وبلىسى بويىنشا پەداگوگيكالىق قىزمەتكەرلەردىڭ بىلىكتىلىگىن ارتتىرۋ ينستيتۋتىنىڭ ديرەكتورى, پەداگوگيكا عىلىمدارىنىڭ دوكتورى, پروفەسسور,
ايدوس مۇقاتاەۆ,
ديرەكتوردىڭ ورىنباسارى,
پەداگوگيكا عىلىمدارىنىڭ
كانديداتى, دوتسەنت.
