كەشە ەلورداداعى ك.بايسەيىتوۆا اتىنداعى ۇلتتىق وپەرا جانە بالەت تەاترىندا استانا قالاسى اكىمدىگىنىڭ ۇيىمداستىرۋىمەن ەلىمىزدىڭ تاۋەلسىزدىك كۇنى مەرەكەسىنە ارنالعان «ازاتتىققا جەتتىك ءبىز» اتتى ادەبي-سازدى كەش ءوتتى.
كەشە ەلورداداعى ك.بايسەيىتوۆا اتىنداعى ۇلتتىق وپەرا جانە بالەت تەاترىندا استانا قالاسى اكىمدىگىنىڭ ۇيىمداستىرۋىمەن ەلىمىزدىڭ تاۋەلسىزدىك كۇنى مەرەكەسىنە ارنالعان «ازاتتىققا جەتتىك ءبىز» اتتى ادەبي-سازدى كەش ءوتتى.
ادەبي-سازدى كەش الاش قوزعالىسىنا ارنالعان ارنايى ءفيلمنىڭ كورسەتىلىمىمەن باستالدى. سەمەيدەن ارنايى كەلگەن بەلگىلى ءانشى-كومپوزيتور تۇرسىنعازى راحيموۆ ءوز اندەرىن تىڭدارماندارىنا تارتۋ ەتسە, ق.قۋانىشباەۆ اتىنداعى اكادەميالىق دراما تەاترىنىڭ ارتىستەرى انا تىلىمىزگە قاتىستى كورىنىس قويىپ, كورەرمەندەر كوزايىمىنا اينالدى. مارجان اراپباەۆا, اسەم وماروۆا سىندى ءانشىلەر شىرقاعان اندەر دە تىڭدارمانىن تامسانتپاي قويمادى.
«شارانىڭ باستى ماقساتى – تاۋەلسىزدىك قۇندىلىقتارىن ۇلىقتاۋ, وسكەلەڭ ۇرپاقتى وتانسۇيگىشتىككە باۋلۋ. سونىمەن بىرگە, انا ءتىلىمىزدىڭ مارتەبەسىن كوتەرىپ, مەرەيىن اسىرۋ», – دەيدى كەشتى ۇيىمداستىرۋشىلار.
شارا سوڭىندا ءسوز العان استانا قالاسى ءتىلدەردى دامىتۋ باسقارماسىنىڭ باسشىسى ەربول تىلەشەۆ الاش ارىستارى جايلى اڭگىمەلەپ, بۇگىنگى تاۋەلسىزدىگىمىزگە جەتۋگە ولاردىڭ سىڭىرگەن ەڭبەكتەرى ەرەكشە ەكەندىگىن باسا ايتتى. سونداي-اق, ول انا ءتىلىمىزدىڭ ابىرويى ءۇشىن ايانباي ەڭبەك ءسىڭىرىپ جۇرگەن ءبىر توپ ءتىل جاناشىرلارىنا ەلوردا اكىمىنىڭ العىس حاتتارىن تابىس ەتتى.
ءابدىراحمان قىدىربەك,
«ەگەمەن قازاقستان».
سۋرەتتە: ءانشى-سازگەر تۇرسىنعازى راحيموۆ.سۋرەتتى تۇسىرگەن سۇلتان سەيىتوۆ.
