ايماقتار • 13 جەلتوقسان، 2020

الماتىدا "جەلتوقسان" ساياباعى اشىلدى

223 رەت كورسەتىلدى

بۇگىن الماتى قالاسىنىڭ تۇركسىب اۋدانىندا الماتى قالاسى اكىمىنىڭ ورىنباسارى ەرجان باباقۇماروۆتىڭ، جەلتوقسان وقيعاسىنا قاتىسۋشىلاردىڭ، زيالى قاۋىم وكىلدەرىنىڭ قاتىسۋىمەن جەلتوقسان ساياباعىنىڭ سالتاناتتى اشىلۋى وتتى,دەپ حابارلايدى Egemen.kz

جاس قانات جانە ماياك ىقشاماۋداندارىنىڭ اۋماعىنان ورىن تەپكەن "جەلتوقسان" ساياباعى قالا اكىمى باقىتجان ساعىنتاەۆتىڭ شەشىمىمەن اشىلىپ وتىر.

بۇعان دەيىن جەلتوقسان ۇيىمدارىنىڭ باسشىلارىمەن وتكەن كەزدەسۋدە وسىنداي يدەيا ورتاعا تاستالعان بولاتىن. اكىمدىكتەگىلەردىڭ سوزىنشە، بۇل باعىتتا بىرنەشە نۇسقا قاراستىرىلدى، ناتيجەسىندە قالانىڭ سولتۇستىك بولىگىندە اۋدانى 100 گەكتاردان اساتىن ەڭ ۇلكەن جاڭا ساياباق تاڭدالىپ الىنعان. رەكرەاتسيالىق ايماق اەروپورت كولىنىڭ جاعالاۋىن قامتيدى. اباتتاندىرۋ الاڭى – شامامەن 23 مىڭ شارشى مەتر.

2020 جىلى، پاندەمياعا قاراماستان، ساياباقتىڭ ءبىرىنشى كەزەڭى اياقتالدى. ساياباقتا 13 ويىن الاڭى بار — 8 بالالار جانە 7 سپورت الاڭى، ونىڭ ىشىندە ۆوركاۋت الاڭدارى، ميني-فۋتبول جانە ستريتبول ويىن الاڭدارى، سونداي-اق پاركۋر ويىن الاڭى.

ساياباقتىڭ باستى ەرەكشەلىگى   ۇزىندىعى 1200 مەترلىك جاياۋ جۇرگىنشىلەرگە ارنالعان پيرست. ول كىشى الماتى وزەنىنىڭ ارناسىنان جانە اۋەجاي كولىنىڭ شىعىس جاعالاۋىنان وتەدى. پيرس ماياك ىقشاماۋدانى مەن اۋدان ورتالىعى اراسىنداعى وزىندىك كوپىرگە اينالدى.

2021 جىلى ساياباقتى رەتكە كەلتىرۋ جۇمىستارى جالعاسادى. جاياۋ سەرۋەندەۋگە جانە دەمالۋعا ارنالعان ايماقتاردى، سونداي-اق توعايدىڭ جاسىل قورىن قايتا قۇرۋ جوسپارلانۋدا.

قالا اكىمى ب. ساعىنتاەۆتىڭ تاپسىرماسىمەن ساياباقتى ودان ءارى دامىتۋ جەلتوقسان ۇيىمدارىنىڭ باسشىلارى مەن ىرگەلەس اۋداندار تۇرعىندارىنىڭ پىكىرىن ەسكەرە وتىرىپ جوسپارلاناتىن بولادى.

جەلتوقسان ساياباعىنىڭ اشىلۋ سالتاناتىندا الماتى قالاسى اكىمدىگىنىڭ وكىلدەرى مەن زيالى قاۋىم ءسوز سويلەدى.

"سىزدەردى كەلە جاتقان تاۋەلسىزدىك كۇنىمەن قۇتتىقتايمىن. بارلىعىمىز ءۇشىن 1986 جىلعى جەلتوقسان وقيعاسى ەرەكشە مانگە يە. جەلتوقسان بوزداقتارى قازاقستان تاۋەلسىزدىگىنىڭ قالىپتاسۋ تاريحىنا ەنگەن جانە حالىقتىڭ جادىندا قالادى. بۇل دا جاڭا “جەلتوقسان” ساياباعىنىڭ سيمۆوليكاسى – جاستارعا سول وقيعالاردى ەسكە تۇسىرەدى"،  دەدى قالا اكىمىنىڭ ورىنباسارى ەرجان باباقۇماروۆ.

قازاقستان جازۋشىلار وداعىنىڭ توراعاسى ۇلىقبەك ەسداۋلەت كەلەر جىلى جەلتوقسان وقيعاسىنا 35 جىل تولاتىنىن ەسكە سالدى.

"ساياباقتىڭ تاۋەلسىزدىك كۇنى قارساڭىندا اشىلۋىنىڭ ءمانى زور ءارى الماتىلىقتاردىڭ ريزاشىلىعىن بىلدىرەدى. ءبىز 135 شىرشا كوشەتتەرىن وتىرعىزدىق، وعان جەلتوقسان وقيعاسىنا قاتىسۋشىلاردىڭ وزدەرى قاتىستى، ولاردىڭ قۇرمەتىنە بۇل ساياباق الماتى اكىمى ب. ساعىنتاەۆتىڭ قولداۋىمەن جاسالدى"، دەدى ۇ. ەسداۋلەت.

Nur Otan پارتياسى قالالىق فيليالى توراعاسىنىڭ ءبىرىنشى ورىنباسارى ستانيسلاۆ كانكۋروۆ بۇل ءىس-شارانىڭ ەرەكشە ماڭىزدىلىعىن اتاپ ءوتتى جانە ەلىمىزدىڭ تاريحىنداعى ماڭىزدى وقيعاعا ارنالعان العاشقى ساياباق ەكەنىن ايتتى.

"بۇل جەلتوقسان وقيعاسىنا قاتىسۋشىلار مەن بارلىق قالا تۇرعىندارى ءۇشىن ايتۋلى شارا. بۇگىن مۇندا ەلىمىزدە بولعان جانە ەگەمەندىككە جەتەلەگەن تاريحي وقيعالاردى ەسكە الۋ ءۇشىن كوپتەگەن ادامدار كەلدى. تاۋەلسىزدىك – بۇل "نۇر وتان" پارتياسىنىڭ ساياسي دوكتريناسىنداعى باستى قۇندىلىق. قازاقستاندىقتاردىڭ جاس ۇرپاعى تاۋەلسىزدىكتى باعالاپ، ونى ءبىزدىڭ ەلىمىزدىڭ ماڭىزدى بەلگىسى رەتىندە باعالاۋى ءتيىس"، دەپ اتاپ ءوتتى س. كانكۋروۆ.

جازۋشى، قوعام قايراتكەرى سماعۇل ەلۋباي تاۋەلسىزدىك كۇنى قارساڭىندا ساياباقتىڭ اشىلۋىن ەلەۋلى وقيعا دەپ اتادى.

ء"بىزدىڭ باستى بايلىعىمىز  تاۋەلسىزدىك – مىزعىماس بولۋى كەرەك. سوندا ەلدە بەيبىتشىلىك پەن ءتارتىپ ورنايدى، بالالارىمىز بەن ولاردىڭ اتا-انالارى امان-ساۋ بولادى. جاڭا ساياباق گۇلدەنىپ، الماتىلىقتاردىڭ قۋانىشىنا كەڭەلىپ، بارلىعىنىڭ ايشىقتى ورنىنا اينالسىن!"، دەدى س. ەلۋباي.

جەلتوقسان وقيعاسىنىڭ قاتىسۋشىسى بايعالي ەسەناليەۆ ريزاشىلىعىن ءبىلدىردى.

ء"بىز قالا باسشىلىعىنا جەلتوقسان وقيعاسىنا قاتىسۋشىلارعا وسىنداي كوڭىل بولگەنى ءۇشىن، سول كۇندەردى ەسكە العانى ءۇشىن وتە ريزامىز جانە العىس ايتامىز. جەلتوقسان ساياباعى جاقىن ارادا حالقىمىزدىڭ بىرلىگى مەن ىنتىماقتاستىعىنىڭ ورنىنا، دوستىق پەن بەيبىتشىلىكتىڭ ساياباعىنا اينالادى دەپ سەنەمىن"، دەدى ول.

"جاس قانات" جانە "ماياك" ىقشاماۋداندارىنىڭ تۇرعىندارى قۋانىشتارىمەن ءبولىستى – ساياباق كوپتەن كۇتكەن سىيلىققا اينالدى، ويتكەنى بۇرىن بۇل ورىندار قاراۋسىز قالىپ، قوقىسقا تولعان جەر بولاتىن.

ء"بىزدىڭ ىقشاماۋداننىڭ اۋماعىندا وسىنداي كەرەمەت ساياباقتىڭ پايدا بولعانىنا وتە قۋانىشتىمىز. ماڭىزدى تاريحي وقيعانىڭ ءبىزدىڭ ەلدە العاش رەت وسىلاي ماڭگى ەستە قالعانى ماڭىزدى. بۇل جاس ۇرپاق ءۇشىن وتە ماڭىزدى قادام. جاستار ءوز تاريحىن ءبىلىپ، اتا-بابالار رۋحىن قۇرمەتتەۋى كەرەك"، دەدى "ماياك" ىقشاماۋدانىنىڭ تۇرعىنى ايگۇل قالباەۆا.

بۇگىن، اشىلۋ كۇنى ساياباقتىڭ قوناقتارى قىلقان جاپىراقتى اعاشتاردى - قاراعاي، كوك شىرشا جانە تيان-شان شىرشالارىن وتىرعىزدى.

سوڭعى جاڭالىقتار

دوللار ارزاندادى

قارجى • كەشە

ۇقساس جاڭالىقتار