ەلىمىزگە قىزىعۋشىلىق بىلدىرەتىن بىرقاتار نەمىس كومپانيالارىنىڭ باسشىلىعىمەن جانە گەرمانيا سىرتقى ىستەر مينيسترلىگىنىڭ مەملەكەتتىك حاتشىسى ميگەل بەرگەرمەن كەزدەسىپ, ەكى مەملەكەت اراسىنداعى وڭىرلىك ىنتىماقتاستىق پەن قاۋىپسىزدىك جونىندەگى وزەكتى ماسەلەلەرىن تالقىلادى.
سول كۇنى وتاندىق ديپلومات قازاقستان-گەرمان ساۋدا-ەكونوميكالىق جانە ينۆەستيتسيالىق ءوزارا ءىس-قيمىل ماسەلەلەرى بويىنشا ماڭىزدى الاڭ بولىپ تابىلاتىن بەرلين ەۋرازيالىق كلۋبىنىڭ 30-شى مەرەيتويلىق وتىرىسىنا قاتىستى. وتىرىس بارىسىندا ەۋروپالىق وداقتىڭ "Green Deal" باعدارلاماسىن جانە قازاقستان مەن ەو اراسىنداعى كەڭەيتىلگەن ارىپتەستىك پەن ىنتىماقتاستىق تۋرالى كەلىسىمدى ىسكە اسىرۋ, "جاسىل ەنەرگەتيكا" جانە جاڭارتىلاتىن ەنەرگيا كوزدەرىن پايدالانۋ, سونداي-اق ەو-نىڭ "جاسىل" جانە تسيفرلىق ەكونوميكاعا كوشۋگە قاجەتتى شيكىزاتتىڭ سىني ماڭىزدى تۇرلەرىن جەتكىزۋ سالالارىنداعى ەكىجاقتى قازاقستان-گەرمان ىنتىماقتاستىعى ماسەلەلەرى قاراستىرىلدى.
ءىس-شارانى قازاقستاننىڭ بەرليندەگى ەلشىلىگى مەن "Kazakh Invest" ۇك" اق گەرمان ەكونوميكاسىنىڭ شىعىس كوميتەتىمەن (گەشك) بىرلەسىپ ۇيىمداستىردى. وزەكتى ەپيدەميالىق احۋالعا بايلانىستى وتىرىس گيبريد فورماتىندا وتكىزىلدى, ال قاتىسۋشىلاردىڭ ءىس-شاراعا ينتەرنەت ارقىلى قاتىسۋعا مۇمكىندىگى بولدى.
كلۋب وتىرىسىن قازاقستان پرەمەر-ءمينيسترىنىڭ ورىنباسارى رومان سكليار, سىرتقى ىستەر ءمينيسترىنىڭ ورىنباسارى م. بايمۇحان, گەرمانيا سىرتقى ىستەر مينيسترلىگىنىڭ مەملەكەتتىك حاتشىسى م. بەرگەر جانە گەشك باسقارما توراعاسى وليۆەر گەرمەس اشتى. تاقىرىپتىق باياندامالاردى قازاقستاننىڭ گەولوگيا, ەكولوگيا جانە تابيعي رەسۋرستار ۆيتسە-ءمينيسترى سەرىكققالي برەكەشەۆ, "رەسپۋبليكالىق تاۋ-كەن وندىرۋشىلەرى جانە تاۋ-كەن مەتاللۋرگيالىق كاسىپورىنداردىڭ رەسپۋبليكالىق قاۋىمداستىعى» زتب اتقارۋشى ديرەكتورى نيكولاي رادوستوۆەتس, "DERA" گەرمانيانىڭ شيكىزات اگەنتتىگىنىڭ جەتەكشىسى پەتەر بۋححولتس, نەمىس ەنەرگەتيكالىق اگەنتتىگىنىڭ (dena) باسشىسى اندرەاس كۋلمان, جاسىل تەحنولوگيالار جانە ينۆەستيتسيالىق جوبالار ورتالىعىنىڭ باسقارما ءتورايىمى جاننا قازجانوۆا مەن "REDPATH DEILMANN GmbH" كومپانياسىنىڭ باسقارۋشى ديرەكتورى يوحان گرايناحەر جاسادى.
پىكىرتالاسقا سونىمەن قاتار ەكى ەلدىڭ ۇكىمەتتىك جانە ىسكەرلىك توپتارىنىڭ, سالالىق بيزنەس قاۋىمداستىقتارىنىڭ وكىلدەرى, ونىڭ ىشىندە قازاقستاننىڭ گەرمانياداعى ەلشىسى داۋرەن كارىپوۆ, "Volkswagen", "BMW", "SAP", "Knorr-Bremse", "Deutsche Bahn", "Weidmüller Holding", "Henkel", "Linde", "Hermann Paus Maschinenfabrik GmbH", "DMT GmbH" جانە ت.ب. كومپانيالاردىڭ باسشىلارى قاتىستى.
ءوزىنىڭ كىرىسپە سوزىندە ر.سكليار "جاسىل ەكونوميكانى" دامىتۋ قازاقستاندا ءتيىستى ساياساتتىڭ نەگىزگى باعىتتارىنىڭ ءبىرى ەكەندىگىن اتاپ ءوتتى. ول ونەركاسىپتى ەنەرگيا ءتيىمدى تسيفرلاندىرۋدىڭ دامۋ كەلەشىگىنە, تومەن كومىرتەكتى دامۋدا جانە قورشاعان ورتانى قورعاۋدا ەنەرگيانى ۇنەمدەۋدىڭ رولىنە نازار اۋدارىپ, گەولوگيا جانە جەر قويناۋىن پايدالانۋ سالاسىنداعى رەفورمالار تۋرالى باياندادى.
ءوز كەزەگىندە م.بەرگەر 2020 جىلدىڭ 1 شىلدەسىندە باستالعان گەرمانيانىڭ ەو كەڭەسىنە التى ايعا روتاتسيالىق توراعالىعى شەڭبەرىندە قويىلعان مىندەتتەردى جۇزەگە اسىرۋ بارىسى تۋرالى ايتىپ ءوتتى. COVID-19 پاندەمياسىمەن قاتار, ەڭ ماڭىزدى جوبالاردىڭ ءبىرى 2050 جىلعا دەيىن "كليماتتىڭ بەيتاراپتىلىعىنا" جەتۋگە ماقساتتالعان ەۋروپالىق "Green Deal" باعدارلاماسى بولىپ تابىلادى.
سونىمەن بىرگە, م.بايمۇحان ەلىمىزدىڭ كليماتتى قورعاۋ جونىندەگى جاھاندىق كۇش-جىگەرىنە بەيىلدىگىن اتاپ ءوتتى جانە «جاسىل» تەحنولوگيالاردىڭ قازاقستاندا دا, «جاسىل ولشەمدەردى» ساقتاۋعا تىرىساتىن باسقا ەلدەردە دە ەكونوميكالىق ءوسۋ مەن الەۋمەتتىك ءال-اۋقاتتىڭ الەۋەتتى كاتاليزاتورى رەتىندە ماڭىزدى ءرولىن اتاپ ءوتتى.
پانەلدىك پىكىر الماسۋ بارىسىندا «جاسىل ەنەرگەتيكا» سالاسىنداعى ىنتىماقتاستىقتى كەڭەيتۋ مۇمكىندىكتەرى بويىنشا جەمىستى پىكىرتالاس ءوتتى. تاراپتار 2012 جىلدىڭ 8 اقپانىندا قازاقستان مەن گەرمانيا اراسىندا قول قويىلعان شيكىزاتتىق, ونەركاسىپتىك جانە تەحنولوگيالىق سەرىكتەستىك تۋرالى ۇكىمەتارالىق كەلىسىم شەڭبەرىندە ىنتىماقتاستىقتى بەلسەندەتۋ بويىنشا بىرلەسكەن قادامداردى قاراستىردى. بەك وتىرىسىنا قاتىسۋشىلار سونىمەن بىرگە پاندەميانىڭ ەكىجاوتى بايلانىستارعا جاعىمسىز سالدارىن ازايتۋ ءۇشىن ءىس-قيمىلداردى ۇيلەستىرۋدى جالعاستىرۋعا نيەتىن ءبىلدىردى.
بەرلين ەۋرازيالىق كلۋبى 2012 جىلى قر تۇڭعىش پرەزيدەنتى نۇرسۇلتان نازارباەۆ پەن گەرمانيانىڭ بۇرىنعى ۆيتسە-كانتسلەرى, سىرتقى ىستەر ءمينيسترى حانس-ديتريح گەنشەردىڭ باستاماسى بويىنشا قۇرىلدى. كلۋب بەيفورمالدى ديالوگ الاڭى رەتىندە قازاقستاننىڭ, گەرمانيانىڭ جانە ەۋروپانىڭ باسقا مەملەكەتتەرىنىڭ ساياساتكەرلەرى, حالىقارالىق بايلانىستار جونىندەگى ساراپشىلارى, عىلىمي-قوعامدىق جانە ىسكەرلىك توپتارىنىڭ وكىلدەرى ءۇشىن اشىق. 2019 جىلدىڭ جەلتوقساندا بەك-ءتىڭ 28-ءشى وتىرىسىنا قاتىسۋشىلاردىڭ الدىندا مەملەكەت باسشىسى قاسىم-جومارت توقاەۆ ءسوز سويلەپ, ەكىجاقتى ىنتىماقتاستىقتىڭ قوعامدىق-ساياسي جانە ساۋدا-ەكونوميكالىق ماسەلەلەرىنىڭ كەڭ سپەكترىن تالقىلاۋ ءۇشىن بەك-ءتىڭ بەلگىلى الاڭ رەتىندەگى ماڭىزدىلىعىن ەرەكشە اتاپ ءوتتى.
اگروونەركاسىپتىك سالاسىنداعى ىنتىماقتاستىققا ارنالعان بەك-ءتىڭ الدىڭعى 29-شى وتىرىسى 2020 جىلدىڭ 24 ماۋسىمىندا مەملەكەت باسشىسىنىڭ تاپسىرماسى بويىنشا نەمىس ينۆەستورلارمەن جۇمىس بويىنشا ۇكىمەتتىك جۇمىس توبىنا جەتەكشىلىك ەتكەن قازاقستان پرەمەر-ءمينيسترىنىڭ ورىنباسارى ر.سكلياردىڭ توراعالىعىمەن ونلاين فورماتتا ءوتتى.
