ماڭعىستاۋ وبلىسىنداعى جوعارى ءبىلىم بەرۋدىڭ جەتەكشى ورداسى ەسەنوۆ ۋنيۆەرسيتەتىندە دە وسى اتاۋلى داتالارعا ارنالعان شارالار جۇيەلى تۇردە كەڭ اۋقىمدا وتكىزىلىپ وتىر. قاراشا ايىندا سالتاناتتى جاعدايدا اباي مەن ءال-فارابي اتىنداعى 500 ورىندىق وقۋ اۋديتوريالاوىنىڭ اشىلۋ ءراسىمى, تۇركى ەلىنە ءماشھۇر تۇلعا – بەكەت اتا مىرزاعۇل ۇلىنىڭ 270 جىلدىعىنا ارنالعان حالىقارالىق عىلىمي كونفەرەنتسيا ءوتتى. 2 جەلتوقساندا ماڭعىستاۋ وبلىسىنىڭ قازاقستان حالقى اسسامبلەياسى مەن ش.ەسەنوۆ اتىنداعى كتجيۋ-ءى "قازاقستان حالقى اسسامبلەياسى" كافەدراسىنىڭ ۇيىمداستىرۋىمەن ەتنوسارالىق قاتىناستار سالاسىنداعى مەملەكەتتىك ساياساتتىڭ وزەكتى ماسەلەلەرى بويىنشا سىندارلى جانە اشىق ديالوگتى قامتاماسىز ەتۋ ماقساتىندا "قازاقستان حالقى اسسامبلەياسى: تاجىريبەسى, وزەكتى ماسەلەلەرى, دامۋ تەندەنتسيالارى" اتتى حالىقارالىق عىلىمي-تاجىريبەلىك كونفەرەنتسيا وتكىزىلدى.
كونفەرەنتسيا قوناقتارىنا جاڭا فورماتتا قايتا قۇرىلىپ, جاڭارتىلعان "قازاقستان حالقى اسسامبلەياسى", "رۋحاني جاڭعىرۋ" اۋديتوريالارى, وبلىستىق قحا-نىڭ قىزمەتى جونىندەگى بەينەروليكپەن تانىستىرىلدى. كونفەرەنتسيا جۇمىسىنا ماڭعىستاۋ وبلىسى اكىمىنىڭ ورىنباسارى, ماڭعىستاۋ وبلىسى قحا-نىڭ توراعاسىنىڭ ورىنباسارى قالمۇراتوۆا گ.م., قولدانبالى ەتنوساياسي زەرتتەۋلەر ينستيتۋتى ديرەكتورىنىڭ ورىنباسارى, قحا عىلىمي-ساراپشىلىق كەڭەسىنىڭ ءتورايىمى سادۆاكاسوۆا ا.ك., قحا كافەدرالارىنىڭ قاۋىمداستىعىنىڭ ءتورايىمى كالاشنيكوۆا ن.ا., قحا عىلىمي-ساراپشىلىق كەڭەسىنىڭ حالىقارالىق ەكسپەرتتەرى, بولگاريا, يران, رەسەي فەدەراتسياسىنىڭ عالىمدارى, ەلىمىزدىڭ ءار وڭىرىنەن ىنتا ءبىلدىرۋشى مەملەكەتىك ۇيىمدار, ەتنومادەني بىرلەستىكتەر, قحا كافەدرالارىنىڭ وكىلدەرى قاتىستى.
كونفەرەنتسيانىڭ العىسوزىن ماڭعىستاۋ وبلىسى اكىمىنىڭ ورىنباسارى, ماڭعىستاۋ وبلىسى قحا-نىڭ توراعاسىنىڭ ورىنباسارى كالمۋراتوۆا گۋلميرا مۇراتقىزى باستاپ, ش. ەسەنوۆ اتىنداعى كاسپي تەحنولوگيالار جانە ينجينيرينگ ۋنيۆەرسيتەتى پرەزيدەنتىنىڭ م.ا. احمەتوۆ بەرىك باحىتجان ۇلى قۇتتىقتاۋ ءسوز سويلەدى.
قولدانبالى ەتنوساياسي زەرتتەۋلەر ينستيتۋتى ديرەكتورىنىڭ ورىنباسارى, قحا عزك ءتورايىمى, الەۋمەتتانۋ عىلىمدارىنىڭ دوكتورى سادۆاكاسوۆا ا.ك. "قازاقستاندىق بىرەگەيلىكتى قالىپتاستىرۋداعى قازاقستان رەسپۋبليكاسى تۇڭعىش پرەزيدەنتىنىڭ ساياساتى" تاقىرىبىندا كونفەرەنتسيانىڭ نەگىزگى بايانداماسىن وقىدى. باياندامادا ەلباسى ن. نازارباەۆتىڭ ەتنوسارالىق جانە كونفەسسياارالىق تولەرانتتىلىقتى نىعايتۋداعى قىزمەتىنىڭ كورنەكتى ناتيجەلەرى, تىڭ باستامالارى ەلىمىزدەگى بارلىق ەتنوس وكىلدەرىن ورتاق ماقساتقا ۇيىستىرا وتىرىپ, الەمدىك تاجىريبەدە پوليەتنوستى, پوليكونفەسسيالىق مەملەكەتتىڭ تۇراقتى دامۋىنىڭ ۇزدىك ۇلگىسى رەتىندە تانىلعاندىلىعى ساراپتالدى.
كونفەرەنتسيا بارىسىندا اۋليە كليمەنت وحريدسكي اتىنداعى سوفيا ۋنيۆەرسيتەتى ساياساتتانۋ كافەدراسىنىڭ پروفەسسورى, ساياساتتانۋ عىلىمدارىنىڭ دوكتورى (بولگاريا) درونزينا ت.ا.. "قاقتىعىستاردى شەشۋدەگى قحا ءرولى", قحا كافەدرالارىنىڭ قاۋىمداستىعىنىڭ ءتورايىمى كالاشنيكوۆا ل.ن. گۋميلەۆ اتىنداعى ەۇۋ-ءدىڭ قحا كافەدراسى مەڭگەرۋشىسى, ساياسي عىلىمدار دوكتورى "قحا كافەدرالارى قاۋىمداستىعىنىڭ قازاقستان حالقى اسسامبلەياسىنىڭ جوبالارىن ىسكە اسىرۋداعى جاڭا ترەندتەرى", داعىستان مەملەكەتتىك ۋنيۆەرسيتەت پروفەسسورى, فيلوسوفيا عىلىمدارىنىڭ دوكتورى (رەسەي فەدەراتسياسى) بۋتتاەۆا ا.م. "جاستار اراسىندا ازاماتتىق بىرەگەيلىكتى قالىپتاستىرۋ پاتريوتتىق تاربيەنىڭ باستى فاكتورى رەتىندە (رەسەي فەدەراتسياسىنىڭ تاجىريبەسى نەگىزىندە)", Yessenov University پروفەسسورى, ساياسي عىلىمدار دوكتورى جاۋلين ك.م. "قازاقستان رەسپۋبليكاسىنداعى ەتنوساياساتتىڭ وزەكتى ماسەلەلەرى", ۆەنا ۋنيۆەرسيتەتىنىڭ حالىقارالىق قاتىناستار ماگيسترى (يران) مالاكۋتيفار دجالال "قازاقستان مەن يران مادەني ديالوگىنىڭ كەيبىر اسپەكتىلەرى" تاقىرىپتارىندا باياندامالار وقىدى.
اسسامبلەيانىڭ بۇگىندە نەگىزگى جوبالارىنىڭ ءبىرى – ەلباسى ن.نازارباەۆتىڭ قازاقستان حالقى اسسامبلەياسىنىڭ ححV سەسسياسىندا بەرگەن تاپسىرماسى بويىنشا ش.ءۋاليحانوۆ اتىنداعى تاريح جانە ەتنولوگيا, گەوگرافيا ينستيتۋتى جانە اقپاراتتىق جانە ەسەپتەۋىش تەحنولوگيالار ينستيتۋتىمەن بىرلەسىپ دايىندالعان "قازاقستان حالقى" ينتەراكتيۆتى عىلىمي تاريحي كارتاسى. ش.ءۋاليحانوۆ اتىنداعى تاريح جانە ەتنولوگيا ينستيتۋتىنىڭ عىلىمي حاتشىسى, PhD دوكتور قوزىباەۆا م.م. كارتانىڭ تانىستىرىلىمىن جۇرگىزدى. اسىرەسە, ماڭعىستاۋ وڭىرىنە بايلانىستى كارتاعا ەنگىزىلگەن مالىمەتتەر, ەتنومادەني ورتالىقتار جونىندەگى اقپارات كونفەرەنتسياعا قاتىسۋشىلاردىڭ ەرەكشە قىزىعۋشىلىعىن تۋدىردى.
كونفەرەنتسيا جۇمىسى تۇستەن كەيىن ءوز جالعاسىن تاۋىپ, Zoom پلاتفورماسى ارقىلى سەكتسيالىق وتىرىستاردا باياندامالاردى تىڭدالدى. كونفەرەنتسيا سەكتسيالارىنىڭ جۇمىستارى ۇلتتىق بىرتەكتىلىكتى ساقتاۋ مەن دامىتۋدىڭ وزەكتى ماسەلەلەرى: تەوريالىق اسپەكتىلەر, تاجىريبەلەر مەن ۇسىنىستار, قوعامدىق كەلىسىمدى نىعايتۋ جانە ينكليۋزيۆتى قوعامدى قالىپتاستىرۋ بويىنشا قحا قۇرىلىمدارىنىڭ قىزمەتى, كوپ ۇلتتى قازاقستان: قالىپتاسۋ تاريحى جانە قازاقستاندىق ەتنوستار وكىلدەرىنىڭ ەلدىڭ دامۋىنا قوسقان ۇلەسى باعىتتارىندا جۇرگىزىلدى.
گريۆەننايا ل., قحا كافەدرالارى قاۋىمداستىعى توراعاسىنىڭ ورىنباسارى, م. قوزىباەۆ اتىنداعى سقۋ-ءنىڭ قحا كافەدراسىنىڭ مەڭگەرۋشىسى, ت.ع.ك, مامىتوۆا س.ن., س.تورايعىروۆ اتىنداعى پاۆلودار ۋنيۆەرسيتەتىنىڭ قحا كافەدراسىنىڭ مەڭگەرۋشىسى, ت.ع.د., بۋيانوۆا ل., سانكت-پەتەربۋرگ مەملەكەتتىك مادەنيەت ينستيتۋتى, ت.ع.ك., دجۋماليەۆا ل., س.سەيفۋللين اتىنداعى قازاق اگروتەحنيكالىق ۋنيۆەرسيتەتى, قاۋىمداستىرىلعان پروفەسسور م.ا., ت.ع.ك., دجايلحانوۆا ا., "قوعامدىق كەلىسىم" كمم ديرەكتورى, قاماروۆا ن., Yessenov University-ءدىڭ "قازاق فيلولوگياسى" كافەدراسىنىڭ پروفەسسورى, ف.ع.ك., جانە ت.ب. ۇلتتىق ساياساتتىڭ وزەكتى دە, تىڭ تاقىرىپتارىنا باياندامالارىن وقىدى. كونفەرەنتسيا باعدارلاماسىندا قاراستىرىلعان ماسەلەلەر بويىنشا قىزۋ عىلىمي پىكىرتالاس بولىپ, قاتىسۋشى عالىمدار ءوز ويلارىن ورتاعا سالدى.
اتالعان عىلىمي شارا بارىسىندا مەملەكەتتىك ەتنوساياساتتى قالىپتى دامىتۋ باعىتىندا كوپتەگەن پايدالى ۇسىنىستار مەن ۇتىمدى پىكىرلەر ايتىلىپ, كونفەرەنتسيا رەزوليۋتسياسىنا ەنگىزىلدى.
